Toshkentda “Amazon Web Services GameDay” dasturchilari uchun uchrashuv bo‘lib o‘tadi, deya xabar berdi “AWS User Group” hamjamiyati.
Tadbirda jamoalar bulut xizmatlaridan foydalangan holda turli real hayot ssenariylari uchun yechim topish uchun raqobatlashadi. Tadbir O‘zbekiston poytaxtida ikkinchi bor o‘tkazilmoqda.
Tadbir ishtirokchilari AWS xizmatlari, ularning me’moriy naqshlari va yechimlari bilan o‘ynoqi tarzda tanishishlari mumkin bo‘ladi.
Vazifalarning ochiq shakli ishtirokchilarga muammoni hal qilishda ijodkorlik ko‘rsatishga imkon beradi.
“AWS GameDay” 25-may kuni, “AWS Community Day” Markaziy Osiyo mintaqaviy konferensiyasi arafasida bo‘lib o‘tadi. Tadbir “C-Space Yunusobod” kovorking markazida bo‘ladi.
Bu yerda shaklni to‘ldirish orqali “AWS GameDay” uchun ro‘yxatdan o‘tish mumkin.
Avvalroq “Spot” “Hacknovation-2024” hakatoniga arizalar qabul qilinayotgani haqida yozgandi.
Unda universitet, sanoat va maktab yo‘nalishlaridan birida jamoa tarzida ishtirok etish mumkin.
G‘olib jamoalarga $1500gacha pul mukofoti beriladi. Arizalarni 12-maygacha jo‘natish kerak.
