“O‘zbekiston havo yo‘llari” MAK yangi yil arafasida joriy yilning 31-dekabridan 3-yanvarigacha barcha yo‘lovchilar uchun hamma ichki yo‘nalishdagi qatnovlarga bayram chegirmalarini taqdim etishini ma’lum qildi.

Chegirmalar 30,31-dekabr, 1- 2- 3-yanvar kunlari barcha mahalliy qatnovlarda amal qiladi:

  • Individual yo‘lovchilar uchun — 30%
  • Sayyohlik guruhlari (5 va undan ortiq kishi), litsey va Oliy o‘quv yurtlari, kollejlar talabalari, maktab o‘quvchilari,O‘zR IIV, TV, DXX, DSQ, DBQ tizimlaridagi maxsus ta’lim muassasalari va boshqa idoralarning tinglovchi va o‘quvchilari uchun — 40%
  • Oila uchun (2 yoki undan ko‘p odam, shuningdek, er va xotin; er, xotin va ularning 18 yoshgacha bo‘lgan farzandlari; 18 yoshgacha bo‘lgan farzandini kuzatib boradigan ota-onalar) — 50%
  • Nafaqaxo‘rlar va nogironlar uchun — 50%
  • 1941−1945-yillardagi urush qatnashchilari va ularga tenglashtirilgan, shuningdek, Ikkinchi jahon urushi davridagi fidokorona mehnati va harbiy xizmati uchun orden va medallar bilan taqdirlangan shaxslar uchun — 50%
  • Chernobil AES fojiasi oqibatlarini bartaraf etishda ishtirok etgan fuqarolarimiz uchun — 50%

Chegirmali aviabiletlarni rasmiylashtirish chegirmalarni olish huquqini beruvchi, tegishli hujjatlarni taqdim etgan holda “O‘zbekiston havo yo‘llari” Milliy aviakompaniyasining rasmiy ofislarida amalga oshirilmoqda.

Ilgari Spot “O'zbekiston havo yo’llari” faoliyati qayta tashkil etilishi haqida ma’lum qilgan edi.