Irlandiyaning “Ookla” kompaniyasiga qarashli Speedtest.net sayti noyabr oyi yakunlari bo’yicha dunyodagi simsiz va simli internet tezligi haqidagi ma’lumotlarni o’z ichiga olgan Speedtest Global Index oylik reytingini e’lon qildi.
O’zbekiston noyabr oyidagi mobil internet tezligi bo’yicha (10,44 Mbit / s) ikki pog’ona ko’tarilib 108, simli tezlik (9,98 Mbit / s) bo’yicha esa bir pog’ona yuqorilab 111 o’rinni egalladi.
Islandiya mobil internet tezligi reytingining yetakchisiga aylandi (72,54 Mbit / s), Singapur esa simli tezlik (185,25 Mbit / s) bo’yicha yetakchilikni saqlab qoldi.
Ilgari Spot O’zbekiston internet tarmog’ining 10 marotaba kengaytirilgani haqida xabar bergan edi.
Speedtest tezlikni hisoblab chiqadi va ma’lum bir mamlakatning tashrif buyuruvchilaridan kelgan o’z ma’lumotlarga asoslanib reyting yaratadi. Sayt oyiga 150 milliondan ziyod kishi tashrif buyuradigan internet tezligini aniqlash bo’yicha asosiy servislardan biri sanaladi.
