Milliy valyutadagi o‘rtacha tortilgan kreditlar foiz stavkasi 21,8 foizni tashkil qildi

2018 yil dekabr oyida milliy valyutadagi jami kreditlar (imtiyozli kreditlar bo‘yicha foiz stavkalarni hisobga olmagan holda) bo‘yicha o‘rtacha tortilgan foiz stavkasi 2017 yilning dekabr oyiga nisbatan 3,3%ga oshib, 21,8%ni tashkil etdi. Bu haqda Markaziy bank ma’lumotlarida keltirilgan.

2018 yil milliy valyutadagi kreditlar bo‘yicha o’rtacha foiz stavkasining yuqori ko’rsatkichi dekabr oyida (21,8%), eng pasti esa aprel oyida (19,6%) kuzatildi:

Shuningdek, qisqa muddatli kreditlar bo‘yicha o‘rtacha tortilgan foiz stavkasi 2017 yil dekabr oyidagi 17,6%dan 2018 yil dekabr oyiga kelib 22,4%gacha hamda uzoq muddatli kreditlar bo‘yicha 18,7% dan 21,5% gacha oshishi kuzatildi.