Ilgari Spot Aydar-Arnasoy ko‘llar tizimining bo‘sh suv havzalari konturlari E-ijro auksion orqali ijaraga berilishi haqida xabar bergan edi.
Aydar-Arnasoy ko‘llar tizimi yaqinidagi yerlar onlayn-auksion orqali tadbirkorlarga ijaraga berila boshlandi, bu E-ijro auksion ma’lumotlarida keltirilgan.
Bu yerda ko’llarning biologik xilma-xilligini saqlab, to‘g‘ridan-to‘g‘ri investitsiyalar oqimini ta’minlaydigan baliqchilik va turizm markazlari tashkil etilishi kutilmoqda.
Tizimning bo’sh suv omborlari konturlari ijaraga beriladi. Saytda bunday lotlar uchun maxsus bo‘lim yaratildi.
Yillik ijaraning boshlang‘ich narxi 12−13 mln so‘mdan boshlanadi. Bir nechta lotlarning boshlang‘ich narxi 50 mln so‘mdan oshadi. Har bir uchastkaning tavsifida hudud va baliqchilikning o’rtacha mahsuldorligi ko’rsatilgan.
Boshqa auksionlardan farqli o‘laroq, bu yerda tanlov ham o‘tkaziladi. Har bir lotga tadbirkorlarning takliflarini baholash mezonlari ko‘rsatilgan fayl ilova qilinadi.
Arizalar 26 avgustgacha qabul qilinadi, savdolar 28 avgustda bo’lib o’tadi.
Kelgusida ko‘l bo‘yida baliq va baliq mahsulotlari savdosi yarmarkalari o‘tkaziladi. Ikki yil ichida ko’llar hududi maxsus transport vositalari, qayiqlar, GPS-navigatorlar, videokuzatuv va boshqa texnik vositalar bilan jihozlangan uchuvchisiz uchish apparatlari bilan ta’minlanadi.
