Iqtisodiyot bo‘yicha Nobel mukofoti Abhijit Banerji, Ester Duflo va Maykl Kremerga “global qashshoqlikni kamaytirishga eksperimental yondashgani uchun” berildi.
Uchala olim ham AQShda ishlaydi. Banerji va Duflo Massachusets texnologiya institutida (MIT), Kremer esa Garvardda dars berishmoqda. Banerji Hindistonda, Duflo — Fransiyada tug‘ilgan. Ular dunyo qashshoqligi muammosini birma-bir yechish oson bo‘lgan bir nechta kichik masalalarga ajratishni taklif qildilar.
“Ular ushbu kichikroq, o‘ziga xos savollarga muammoga duch kelgan odamlar orasida sinchkovlik bilan ishlab chiqilgan tajribalar yordamida javob berish osonroqligini ko‘rsatdilar”, — deyiladi xabarda.
Duflo iqtisodiyot bo‘yicha Nobel mukofotiga sazovor bo‘lgan ikkinchi ayoldir. Bundan tashqari, u ushbu mukofot egalarining eng yoshi hamdir — 1972 yilda tug‘ilgan. Bungacha rekord 51 yoshli amerikalik Kennet Arroga tegishli edi.
Iqtisodiyotdagi mukofot tibbiyot, fizika, kimyo, adabiyot sohasidagi Nobel mukofotlari yoki dunyo mukofotlari sirasiga kirmaydi. U Alfred Nobelning vasiyatida ko‘rsatilmagan va uning avlodlari nomzodlikni qo‘llab-quvvatlamaydilar. Ularning ta’kidlashicha, ixtirochi iqtisodchilarni yoqtirmagan.
Mukofot 1969 yilda Shvetsiya Banki tomonidan Alfred Nobel xotirasiga bag‘ishlangan iqtisodiyot sohasidagi mukofot sifatida ta’sis etilgan. Iqtisodiyot bo‘yicha mukofot Nobel mukofoti qoidalariga muvofiq beriladi.
