Davlat statistika qoʻmitasi 2021-yilning yanvar-may oylarida Oʻzbekiston eksportida yuqori ulushga ega boʻlgan hamkor davlatlar oʻnligini eʼlon qildi.
Unga koʻra, $835,4 mln lik eksport bilan Xitoy birinchi pogʻonani egallagan. Shuningdek, Turkiya ($694,1 mln) va Rossiya ($658,6 mln) roʻyxatning ikkinchi va uchinchi oʻrinlarini band qilgan.
Shuningdek, Oʻzbekiston eksportidagi yetakchi davlatlar oʻnligidan quyidagilar oʻrin olgan:
- Qozogʻiston — $442,0 mln
- Afgʻoniston — $296,3 mln
- Qirgʻiz Respublikasi — $273,0 mln
- Tojikiston — $153,8 mln
- Kanada — $84,8 mln
- Eron — $81,6 mln
- Ukraina — $68,7 mln
Xabarda, shuningdek, 2021-yilning yanvar-may oylarida Oʻzbekistonning jami eksport hajmi $5,7 mlrd ga teng boʻlganligi ta’kidlangan.
Avvalroq, Prezident Shavkat Mirziyoyev 12-may kuni videoselektor yig‘ilishida birinchi yarim yillikda eksport hajmini $5,2 milliardga yetkazishni ta’minlash bo‘yicha topshiriq bergandi.