1-sentyabrdan ish haqi va pensiya miqdori oshiriladi

Eng kam oylik ish haqi 822 000 so’m, bazaviy hisoblash miqdori 270 000 so’m, yoshga doir eng kam pensiyalar 565 000 so’m etib belgilandi.

O’tgan oyda ko’chmas mulkka bo’lgan talab pasaydi

Iyul oyida mamlakatimizda ko‘chmas mulk bo‘yicha rasmiylashtirilgan shartnomalar soni 18,1 mingtani tashkil etdi, bu iyun oyiga nisbatan 16%ga kamdir.

Eksportyor korxonalarga kredit imtiyozlari taqdim etiladi

Yiliga $20 mlndan ortiq eksport qiluvchi korxonalarga $5 mlngacha imtiyozli kreditlar ajratiladi.

"Spot.uz"da reklama


Iyul oyida avtomobil bozoridagi talab keskin kamaydi

Iyul oyida aholi oʻrtasida avtomobil oldi-sotdisi boʻyicha shartnomalar soni joriy yilning iyun oyiga nisbatan 23,8% sezilarli kamayganligini koʻrsatdi.

Dunyo xabarlari:

  1. Windows foydalanuvchilari iCloud parollarini sinxronlashtirishilari mumkin boʻladi. Saqlangan parollarni qidirish, yangilash, qoʻshish va kirishni xohlamagan maʼlumotlarni oʻchirish imkoni mavjud boʻladi.
  2. AQSh Afg’onistonga dollar yetkazib berishni to’xtatdi. Shuningdek, Vashington afg’on hukumatining mamlakatdagi barcha hisob raqamlarini muzlatib qo’ydi.
  3. YouTube videolar ostidagi izohlar borasida yangi funksiya qoʻshmoqda. Endilikda har bir xorijiy izoh ostida “Tarjima qilish” tugmasi paydo boʻladi.
  4. Turizm bozorining tiklanishiga kimlar ta’sir o’tkazadi — Ekspertlar fikri. Euromonitor International pandemiyadan so’ng turizm bozoridagi tendensiyalar bo’yicha hisobot taqdim etdi.
  5. Xalqaro valyuta jamg’armasi Afg’onistonga yordam berishni to’xtatdi. Bu mamlakatdagi hukumat maqomining tushunarsizligi bilan izohlanmoqda.
  6. Epidemiologik vaziyat yomonlashuvi ortidan neft narxi tushib bormoqda. Hozirgi vaqtga kelib ICE birjalarida Brent neft markasi may oyidan buyon birinchi marta barreli uchun $66,5 ga sotilmoqda.
  7. Facebook virtual ofislarda ishlash uchun yangi ilova taqdim etdi. Unda xodimlar istalgan nuqtadan virtual ofislarda o’z avatarlari yordamida birga ishlashlari mumkin bo’ladi.
  8. Richard Brenson “Virgin Galactic"ning $300 millionlik aksiyalarini sotdi. Sotishdan tushgan daromad Brensonning sayohat va dam olish biznesini qoʻllab-quvvatlashga sarflanadi.
  9. 2020-yilda Ilon Maskning qancha oylik maosh olgani ochiqlandi. Tesla kompaniyasi ma’lumotlariga qaraganda, o’tgan yil davomida tadbirkorning oylik maoshi $0 ga teng bo’lgan. Ammo shunga qaramasdan Mask AQShdagi eng yuqori oylik to’lanadigan bosh direktor bo’lib qolmoqda.