Jahon moliya bozorlari 24-fevral, payshanba kuni salbiy dinamikani koʻrsatmoqda, deb xabar bermoqda Reuters.
Yaponiyadan tashqarida MSCI Osiyo-Tinch okeani keng indeksi 3,2% dan koʻproq pasaydi. Avstraliya aksiyalari 3% ga, Xitoyning koʻk “fishkalari” esa 1,3% ga yoʻqolgan. Tokyo Nikkei 2,4% ga tushdi. AQSh fond bozoridagi fyucherslar ham arzonlashdi: S&P 500 — 2,3%ga, Nasdaq esa — 2,8% ga arzonlashdi.
Mutaxassislar bozorlardagi vaziyatni buning natijasida yuzaga kelgan nomutanosiblik bilan bogʻlashmoqda — yuqori risklar tufayli xaridorlar yoʻq, sotuvchilar esa koʻp. Aktivlarning oʻzgaruvchanligi indeksi soʻnggi 9 kun ichida 55% dan ortiq oshdi.
AQShning 10 yillik obligatsiyalarining daromadliligi keskin pasayib, (chorshanba kungi 1,977% dan) 1,868% ga tushdi. 2 yillik obligatsiyalar uchun bu qiymat yopilishda 1,5% ga yetdi.
Kriptovalyuta bozorlarida ham savdo mavjud. Natijada, bir oy ichida birinchi marta Bitcoin $35 000 dan past boʻldi, bu Rossiyada kriptovalyutalarni taqiqlash mumkinligi haqidagi mish-mishlar fonida yanvardagi qulashdan keyin oʻrnatilgan narxdan deyarli 10% kamroq degani.
Rossiya valyutasi narxi tushishda davom etmoqda. Agar ertalabki sessiya boshida dollar rublga nisbatan 6,55% ga koʻtarilib, 2016-yil yanvaridan beri birinchi marta 84,07 rublni, yevro esa 95,2 rublni tashkil qilgan boʻlsa, keyinroq savdo sessiyasi davomida Amerika valyutasi deyarli psixologik darajaga yetdi.
Moskva va Sankt-Peterburg birjalari barcha savdolar, jumladan, valyuta va birja boʻlimlari toʻxtatilganini eʼlon qildi. Savdolar toʻxtatilishidan oldin IMOEX2 indeksi 11% dan koʻproqqa tushib ketdi.
Oʻz navbatida, chorshanba kuni keskin oʻzgarib turgan Brent neft fyucherslari 3,5% dan koʻproqqa qimmatlashdi, buning natijasida bir barrel 2014-yildan beri birinchi marta $100 dan oshdi. AQShning West Texas Intermediate fyucherslari 4,6% ga oshib, bir barrel uchun $96,22 ni tashkil etdi, bu ham 2014-yil avgust oyidagi rekordni yangiladi.
