Telegramning yangi beta-versiyasida bir qancha kichik yaxshilanishlar amalga oshirildi. Bu haqda Kod Durova xabar berdi.
Xususan,hikoyalar interfeysi yangilandi va kanallardagi xabarlarni bepul avtomatik tarjima qilish imkoniyati qo‘shildi.
Hikoyalar yangilanishi
Hikoyalar yaratish endi yanada qulay va tezkor bo‘ldi. Foydalanuvchilar endi bir tugmani bosish orqali bir vaqtning o‘zida bir nechta hikoyalarni joylash imkoniyatiga ega bo‘ldilar.
Misol uchun, bir vaqtning o‘zida bir nechta suratni tanlash orqali Telegram ularni avtomatik tarzda izchil hikoyalarga ajratadi. Bu hikoyalar yaxlit va puxta o‘ylangan syujet kabi ko‘rinadi.
Shuningdek, bitta hikoya doirasida har bir alohida suratning o‘lchami va formatini moslashuvchan tarzda sozlash imkoniyati ham paydo bo‘ldi.
Yangilik videoyozuvlarga ham tegishli bo‘ldi: ilgari xizmat yuklanadigan videolarning maksimal uzunligini cheklar edi. Endi esa, agar video juda uzun bo‘lsa, Telegramning o‘zi uni bir nechta alohida hikoyalarga bo‘lib, asl kontentning barchasini saqlab qolishni taklif etadi.
Kanallarni bepul avtomatik tarjima qilish
Yana bir muhim takomillashtirish, kanallardagi matnlarni bepul avtomatik tarjima qilish imkoniyati qo‘shiladi.
Endi ovozlar bo‘yicha uchinchi darajaga erishgan kanallar o‘z xabarlarini har bir obunachining ona tiliga avtomatik ravishda tarjima qilishni yoqib qo‘yishlari mumkin.
Premium obunachilarga taqdim etilgan shunga o‘xshash imkoniyatdan farqli o‘laroq, bu holda tarjima kanalning barcha obunachilari, jumladan pullik obunani rasmiylashtirmaganlar uchun ham mavjud bo‘ladi.
Shu bilan birga, Telegram Premium foydalanuvchilari uchun hech narsa o‘zgarmaydi — ular uchun kanal darajasidan qat’i nazar, matnlarni avtomatik tarjima qilish ilgarigidek hech qanday cheklovlarsiz mavjud bo‘lib qolaveradi. Biroq, endi qulay avtomatik tarjimaning afzalliklaridan bepul obunachilarga ham foydalanish imkoniyati yaratildi.
Avvalroq Spot Telegramda navbatdagi yangilanishlar taqdim etilgani haqida yozgandi.
Xususan, himoyalangan audio va video qo‘ng‘iroqlar, muzlatilgan hisob hamda boshqa imkoniyatlar paydo bo‘ldi.
