TikTok Stories uchun suratlarni “jonlantirish"ga yordam beradigan funksiyani ishga tushirdi.
U AI Alive deb nomlanib, bu platformaning tasvirlardan sun’iy intellekt yordamida video yaratadigan birinchi vositasidir.
Bu funksiyadan Story Camera orqali foydalanish mumkin. Foydalanuvchi albomdan fotosuratni tanlashi kerak, shundan so‘ng panelda AI Alive belgisi paydo bo‘ladi.
Xizmat tasvirga avtomatik tarzda harakat, effektlar va ovoz qo‘shadi, deb yozilgan ijtimoiy tarmoq blogida.
AI Alive yordamida yaratilgan kontent maxsus belgi bilan ta’minlanadi va uning sun’iy intellekt tomonidan yaratilganligini tasdiqlovchi C2PA meta-ma'lumotlari bilan jihozlanadi.
Kompaniya xavfsizlik qoidalariga rioya qilish ustuvor vazifa bo‘lib qolayotganini ta’kidladi. Kontent — fotosuratni yuklashdan to yakuniy videoni joylashtirgunga qadar — moderatsiyadan o‘tkaziladi.
2022-yilda TikTok kalit so‘zlar asosida rasmlar yaratishni yo‘lga qo‘ydi, shunga o‘xshash vositalar Instagram va Snapchat’da mavjud edi.
Avvalroq Spot Yevropa Ittifoqi TikTok’ni 530 mln yevro miqdorida jarimaga tortgani haqida yozgandi.
Jarimaga TikTok yevropaliklarning shaxsiy ma’lumotlarini Xitoyga noqonuniy ravishda yuborgani va foydalanuvchilar bilan yetarlicha shaffof bo‘lmagani sabab bo‘lgan.
