1-iyuldan Buxoro viloyatida ichimlik suvi ta’minoti va oqova suv xizmatlari tariflari oshiriladi. Bu haqda viloyat hokimligi matbuot xizmati xabar berdi.
Xalq deputatlari viloyat kengashi 12-iyundagi qarori bilan yangi narxlarni tasdiqladi. Tariflar Iqtisodiyot va moliya boshqarmasi tomonidan hududdagi suv ta’minoti tashkilotlari bilan birgalikda taqdim etilgan xulosalar asosida belgilangan.
Fuqarolar uchun bir kub metr suv narxi QQS bilan birga 4480 so‘m yoki amaldagi narxlardan 29% ga qimmatroqni tashkil etadi. Budjet va ulgurji iste’molchilar uchun tarif 9520 so‘mgacha (+21,4%) oshadi.
Tariflar o‘zgarishi bilan batafsil quyida tanishish mumkin:
| Xizmat turi / iste’molchilar toifasi | Amaldagi tarif, 1 m3 uchun, so‘mda | Yangi tarif, 1 m3 uchun, so‘mda | ||
| QQSsiz | QQS bilan | QQSsiz | QQS bilan | |
| Buxoro suv ta’minoti AJ | ||||
| Aholi, issiqlik ta’minoti va boshqa tashkilotlar uchun ichimlik suvi xizmati | 3100 | 3472 | 4000 | 4480 |
| Budjet tashkilotlari va ulgurji iste’molchilar uchun ichimlik suvi xizmati | 7000 | 7840 | 8500 | 9520 |
| Aholi, issiqlik ta’minoti va boshqa tashkilotlar uchun oqova suv xizmatlari | 2800 | 3136 | 3800 | 4256 |
| Budjet va ulgurji iste’molchilar uchun oqova suv xizmatlari | 4800 | 5376 | 5600 | 6272 |
| Texnik suv xizmati uchun | 1500 | 1680 | 2000 | 2240 |
| Damxo‘ja suv ta’minoti AJ | ||||
| Suv ta’minoti korxonalari uchun | 650 | 728 | 850 | 952 |
1-iyuldan Toshkent viloyatida ichimlik va oqova suv uchun narxlar oshiriladi. Aholi uchun bir metr kub ichimlik suvi narxi 2600 so‘mni, budjet tashkilotlari va ulgurji iste’molchilar uchun esa 15 ming so‘mni tashkil etadi.
Avvalroq Toshkentdagi supermarketlarda ayrim oziq-ovqat mahsulotlari narxi pasaygani haqida xabar berilgandi. Masalan, karam narxi 64,2% ga, pomidor esa qariyb 45% ga arzonlashgan. Shu bilan birga, oltita oziq-ovqat mahsuloti qimmatlashgan.
