Tesla Kaliforniyada Oasis Supercharger deb nomlangan elektromobillar uchun birinchi to‘liq avtonom quvvatlash stansiyasini ishga tushirdi. Bu haqda Electrek nashri xabar berdi.
Loyiha Ilon Maskning uzoq yillik — tashqi elektr tarmoqlariga ulanmasdan mashinalarni zaryadlash uchun infratuzilma yaratish g‘oyasining amalga oshirilishi bo‘ldi. Buning uchun stansiya faqat quyosh panellari va energiya to‘plagichlardan foydalanadi.
Yangi stansiya 168 ta zaryadlash postlari bilan jihozlangan bo‘lib, hozirda ularning yarmiga yaqini ishlamoqda. Elektromobillarni zaryadlash uchun elektr quvvati 39 MVt/soat bo‘lgan statsionar batareyalardan olinadi, ular quvvati 11 MVt gacha bo‘lgan quyosh panellari tomonidan ishlab chiqarilgan energiya hisobiga zaryadlanadi.
Qayd etilishicha, Oasis Supercharger tashqi manbalar ko‘magisiz mashinalarni zaryadlashni to‘liq mustaqil ravishda ta’minlay oladi.
Kompaniya yil oxirigacha Tesla qolgan zaryadlash postlarini ishga tushirishni va yopiq energiya tizimini yaratishni yakuniy yakunlashni rejalashtirmoqda.
Stansiya quyoshli kunlar ko‘p bo‘lgan hududda qurilgan bo‘lib, atrofidagi katta maydonni quyosh panellari qoplagan. Hozircha bunday yechimning foydaliligini baholash qiyin — shunday katta hajmdagi stansiyaning o‘zini qoplashi uchun yuqori darajada foydalanish kerak.
Avvalroq Spot Tesla AQShda robot taksi xizmatini sinovdan o‘tkazishni boshlagani haqida yozgandi.
Hozirda 2024-yil oktabrda taqdim etilgan rulsiz va pedalsiz Cybercab avtomobillari o‘rniga Model Y avtomobilidan foydalaniladi va oldingi o‘rindiqda Tesla xodimi o‘tiradi.
