Apple korporatsiyasi birinchi buklanadigan planshetni ishlab chiqishni vaqtincha to‘xtatdi. Bu haqda Digitimes nashri xabar bermoqda.
OAV jurnalistlarining so‘zlariga ko‘ra, birinchi buklanadigan iPad insayderlarning hisobotlarida moslashuvchan displeyli planshet yoki gibrid noutbuk sifatida paydo bo‘lgan.
Qayd etilishicha, yangi hisobotdan ma’lum bo‘lishicha, Apple qurilmani ishlab chiqishning faol bosqichini keyinga qoldirishga qaror qilgan.
Mutaxassislar buni ishlab chiqarishdagi murakkabliklar, tarkibiy qismlarning yuqori narxi va qurilmaga bo‘lgan noaniq talab bilan izohlashdi.
Biroq, kompaniya kelajakda yig‘iladigan iPad yaratish g‘oyasiga qaytishi mumkin. Shu bilan birga, Apple buklanadigan smartfonni ishlab chiqishni yakunlashga intilmoqda va allaqachon ushbu gadjetning dastlabki namunasi ustida ish boshlagan.
Yaqin oylarda kompaniya muhandislari egiluvchan ekranli iPhone’ning dastlabki versiyasini taqdim etishlari kerak. Agar ishlab chiqish reja bo‘yicha ketsa, Amerika korporatsiyasi qurilmani 2026-yilning kuzida iPhone 18 seriyasidagi smartfonlar bilan birga e’lon qiladi. Shu bilan birga, qurilmaning qachon bozorga chiqishi noma’lum.
Avvalroq Spot yangi iPhone rekord sig‘imli batareyaga ega bo‘lishi mumkinligi haqida yozgandi.
Kuzda chiqishi rejalashtirilgan iPhone 17 Pro Max rekord darajadagi 5000 mA/soatlik batareya bilan taqdim etilishi kutilmoqda.
