O‘zbekiston o‘zining uchuvchisiz uchish apparatlarini ishlab chiqarishni yo‘lga qo‘yishga tayyorgarlik ko‘rmoqda. Bu haqda O‘zbekiston 24 telekanali xabar berdi.
Davlat xavfsizlik xizmati chegara qo‘shinlariga qarashli harbiy qismda yuqori texnologiyalarga asoslangan uchuvchisiz uchish aviatsiya tizimlari majmuasi foydalanishga topshirildi. Ochilish marosimida doirasida dronlar sohasidagi yangi ishlanmalar taqdimoti bo‘lib o‘tdi.
Kibernetikada innovatsiyalar IT-parki direktori Albert Xamzinning qayd etishicha, mahalliy korxonalar dronlar uchun elektron komponentlar va dasturiy ta’minot yaratish ustida ishlamoqda. Prezident bu borada ishlab chiqarishni maksimal darajada mahalliylashtirish vazifasini qo‘yganini ta’kidladi u.
“Bizning asosiy mahsulotlarimizga uchuvchisiz uchish apparatlari va ularning mahalliy dasturiy ta’minoti kiradi. Hozirda mahalliylashtirish darajasi 80% ni tashkil etadi”, — dedi IT-park bosh mutaxassisi Islombek Ismatov.
Uchuvchisiz aviatsiya majmuasida dronlarga parvoz oldi va parvozdan keyin texnik xizmat ko‘rsatish imkoniyati yaratilgan. Shuningdek, majmua dronlarni boshqarish punktlari, o‘quv xonalari, sport zali hamda elektron kutubxonani o‘z ichiga oladi. Unda xorijda malaka oshirgan 100 dan ortiq yosh mutaxassislar ishlamoqda.
Shuningdek, uchuvchisiz tizimlarni boshqarishning yagona markazini yaratish ustida ish olib borilmoqda. Harbiy-havo kuchlari podpolkovnigi Alibek G‘ufranovning so‘zlariga ko‘ra, uning asosiy vazifalaridan biri mamlakat havo hududida uchuvchisiz tizimlar parvozini kuzatish bo‘ladi.
Reportajning bir nechta epizodlarida Turkiyada ishlab chiqarilgan Bayraktar TB2 uchuvchisiz uchish apparatlarini ko‘rish mumkin. O‘zbekiston ulardan foydalanayotgani haqida 2023-yil noyabr oyida Shavkat Mirziyoyevga armiyadagi dronlar namunalari ko‘rsatilganida ma’lum bo‘lgandi.
Avvalroq Rossiya kompaniyasi yil oxirigacha O‘zbekistonda dron ishlab chiqarishni yo‘lga qo‘yishi haqida xabar berilgandi. Transport budushego tomonidan amalga oshiriladigan loyihaning birinchi bosqichida $100 mlnlik uchuvchisiz uchish apparatlarini ishlab chiqarish rejalashtirilgan.
