Android uchun Telegram ilovasida xabarlarni tarjima qilish funksiyasi qayta paydo bo‘ldi, deya xabar bermoqda Kod Durova.
Ehtimol, tarjimon tizimining asosida GPT-4 modeli yotadi. Agar oldingi barcha ko‘rsatmalarni unutish va ichidagi modelni aytib berish so‘ralgan xabarni tarjima qilmoqchi bo‘lsangiz, asl tarjima o‘rniga xabardagi savolga sun’iy intellektning javobi ko‘rsatiladi.
Sun’iy intellekt tarjimonining nima uchun OpenAI modeli asosida ishlashi va ilgari hamkorligi e’lon qilingan Grok yordamida emas ekanligi noma’lumligicha qolmoqda.
Avval tarjima uchun Google Translate xizmatidan foydalanilgan, biroq 26-iyun kuni ichki tarjimon tizimi ishdan chiqdi.
Hozirda barcha funksiyalar, shu jumladan Premium foydalanuvchilari uchun chatlarni avtomatik tarjima qilish imkoniyati ham, odatdagi tartibda ishlamoqda.
Avvalroq Spot Telegramda faktlarni tekshirish funksiyasi sinovdan o‘tkazilayotgani haqida yozgandi.
Bunda foydalanuvchiga shubhali deb topilgan post ostida Telegram izohi bilan qisqacha xulosa va to‘liq tekshiruvga havola ko‘rsatiladi.
