Telegram jamoasi messenjerning yangi versiyasini taqdim etdi.
Ommaviy postlarni qidirish
Qidiruvda endi “Postlar” sahifasi mavjud bo‘lib, bu yerda ommaviy kanallardan tegishli natijalarni ko‘rish mumkin.
Bu esa muayyan axborotlarni topishni va turli manbalarni bir tezkor interfeysda ko‘rib chiqishni yanada osonlashtiradi.
Postlarni qidirish funksiyasidan dastlab Telegram Premium foydalanuvchilari foydalana oladi.
Hikoyalar albomlari
Endi sevimli sayohat hikoyalari, uy hayvonlari suratlari va boshqalarni profildagi hikoyalar albomlariga birlashtirish mumkin — masalan, sarguzashtlar va sevimli memlar to‘plamlarini yaratish uchun.
Bizneslar va kontent yaratuvchilari o‘z kanallarida hikoyalar joylashda albomlardan foydalanib, mijozlar uchun mahsulotlarni namoyish qilishi yoki kontentni pleylistlarga guruhlashi mumkin.
Hikoyalarni albomga qo‘shish uchun profilingiz yoki kanalingizdagi “Postlar” rukniga kiring va “Albom qo‘shish” tugmasini bosish kerak.
Hadya kolleksiyalari
Endi profil yoki kanaldagi hadyalarni mavzu, noyoblik yoki boshqa har qanday xususiyatga asoslangan holda maxsus kolleksiyalarga birlashtirish mumkin.
Bir xil hadya bir nechta kolleksiyada paydo bo‘lishi mumkin, bu esa cheksiz kombinatsiyalar yaratish imkonini beradi. Kolleksiyalar oson ko‘rib chiqish uchun filtrlar bo‘yicha saralashni ham qo‘llab-quvvatlaydi.
Hadyalarni kolleksiyaga qo‘shish uchun profilingizda yoki kanalda “Hadyalar” sahifasini ochish, biror hadyani tanlash va “Kolleksiyaga qo‘shish” tugmasini bosish.
Profil reytingi
Endi Telegram profillarida foydalanuvchining Telegram Yulduzlar bilan amalga oshirgan muvaffaqiyatli tranzaksiyalar hajmi asosida raqamli reyting ko‘rsatilgan nishon paydo bo‘ladi.
Bu foydalanuvchining Telegram darasini bildiradi va kanal egalariga Tavsiya etilgan postlar va boshqa so‘rovlarda ishonish mumkinligini ko‘rsatadi.
Hadyalar xarid qilish, pulli xabarlar yuborish va tavsiya etilgan postlarni Yulduzlar bilan moliyalashtirish reytingingizni oshiradi. Lekin agar siz Yulduz xaridlari pulini qaytarsangiz yoki hadyalarni Yulduzlarga aylantirsangiz, reytingingiz pasayadi.
Premium hadyalar
Telegram hadyalari juda mashhur bo‘lib, yangi chiqarilganlari bir necha daqiqada sotib tugatiladi.
Tez orada faqat Telegram Premium foydalanuvchilari uchun mavjud bo‘lgan yangi turdagi hadyani ko‘rish mumkin va har bir kishi uni faqat cheklangan miqdorda xarid qila oladi.
Telegram hadyalarining aksariyatini hali ham barcha foydalanuvchilar xarid qilishi mumkin — faqat muayyan kolleksiyadagi cheklangan nashrdagi hadyalarni xarid qilish uchun Premium talab qilinadi.
BotFather mini ilovasi
Telegram botlar va mini ilovalar dasturchilari endi ularni botlar yaratishdan tortib, sozlamalar, belgilar va tavsiflarni yangilashgacha yangi @BotFather mini ilovasida boshqarishi mumkin.
Istalgan dasturchi butun ekran rejimi, obunalar, asosiy ekran yorliqlari, geolokatsiya, harakatni kuzatish va boshqa ko‘plab funksiyalarni qo‘llab-quvvatlaydigan kuchli mini ilovalar yaratishi mumkin.
