Apple kompaniyasi ChatGPT’ga raqobatchi yaratish uchun yashirin ravishda yangi jamoa tashkil etmoqda. Bu haqda Bloomberg nashri xabar berdi.
Bu qadam kompaniyaning strategik muammosini hal qiladi: sun’iy intellekt sohasida tashqi texnologiyalarga qaramlik va raqobatchilar oldidagi zaiflik hisoblanadi.
O‘z chat-boti kerak emasligi haqidagi ommaviy bayonotlarga qaramay, kompaniya ichida qidiruv tizimiga asoslangan sun’iy intellekt mahsuloti ustida faol ish olib borilmoqda.
Yangi guruh Answers, Knowledge and Information (AKI) deb nomlandi. Uning asosiy maqsadi foydalanuvchilarning savollariga javob berish uchun internetni skanerlash imkoniyatiga ega bo‘lgan “javob mexanizmi"ni ishlab chiqishdan iborat.
Bu ChatGPT va Google Gemini qidiruv imkoniyatlariga to‘g‘ridan-to‘g‘ri muqobildir. Mahsulot alohida ilova sifatida chiqarilishi, shuningdek, Siri, Spotlight va Safari’ga integratsiya qilinishi mumkin.
Qayd etilishicha, o‘zining qidiruv sun’iy intellekt tizimini yaratish Apple uchun hal qiluvchi ahamiyatga ega qadam hisoblanadi.
Apple qurilmalarida qidiruvni standart holatga keltiruvchi Google bilan tuzilgan ko‘p milliardlik shartnoma monopoliyaga qarshi tergov tufayli xavf ostida qolmoqda.
Bu mablag‘lar va qidiruv ustidan nazoratni yo‘qotish jiddiy zarba bo‘ladi. O‘z texnologiyasiga ega bo‘lish Apple’ga o‘zini himoyalash va ekotizimini mustahkamlash imkonini beradi.
Avvalroq Spot ChatGPT botlarni aniqlaydigan tasdiqlash tizimini aldashni o‘rgangani haqida yozgandi.
Qayd etilishicha, sun’iy intellekt endi shaxsiy yordamchi sifatida foydalanuvchi nomidan harakatlarni amalga oshirishi mumkin.
