Forumda 55 ta davlatdan 1000 dan ortiq delegat va 120 dan ziyod ma’ruzachi ishtirok etadi. Ular orasida biznes vakillari, xalqaro tashkilotlar va ilmiy-tadqiqot markazlari ekspertlari bor. Dasturda 18 ta mavzuli sessiya rejalashtirilgan bo‘lib, ular global iqtisodiyot tendensiyalari hamda Yevroosiyo va boshqa mintaqalar bilan ishbilarmonlik hamkorligini rivojlantirish masalalariga bag‘ishlanadi.
Asosiy yo‘nalishlar:
- moliyaviy innovatsiyalar: kriptovalyutalar, raqamli aktivlar, transchegaraviy hisob-kitoblar, xalqaro lizingni rivojlantirish;
- texnologiya va sanoat: sanoatni raqamlashtirish, sun’iy intellektni joriy etish, yuqori texnologiyali ishlab chiqarishlar, yangi logistika yo‘nalishlari (masalan, “Shimol-Janub” koridori);
- investitsiya va mintaqalar: Osiyo, Hindiston, G‘arbiy Osiyo davlatlari, Afrika va Lotin Amerikasi bilan aloqalarni chuqurlashtirish, savdo-iqtisodiy hamkorlikni kengaytirish;
- huquqiy muhit: biznesni huquqiy himoya qilish, korrupsiyaga qarshi choralar, xalqaro arbitraj va qonunchilikni uyg‘unlashtirish.
Forum doirasida bir qator strategik kelishuvlar imzolanadi. Jumladan, Rossiya, Belarus, Qozog‘iston, Armaniston, Qirg‘iziston va O‘zbekiston vakillari ishtirokida xalqaro lizingni rivojlantirish bo‘yicha memorandum qabul qilinishi kutilmoqda.
Forum — tajriba almashish, yangi hamkorlarni topish va qo‘shma loyihalarni yo‘lga qo‘yish uchun o‘ziga xos maydon. Ishtirokchilar turli mintaqalardan kompaniya va ekspertlar bilan to‘g‘ridan to‘g‘ri muloqot qilish, shuningdek, global chaqiriqlar sharoitida biznesni mustahkamlash uchun amaliy vositalarni muhokama qilish imkoniyatiga ega bo‘ladilar.
Reklama huquqlari asosida.
