YouTube foydalanuvchilari xizmatning mobil ilovalarida yangi o‘zgarishni payqab qolishdi.
Endi gorizontal reklama ko‘rsatilganda ekranning yarmini egallaydigan yon panel paydo bo‘lishi mumkin. Bu panelni yopib bo‘lmaydi.
Bu haqda tomoshabinlar ijtimoiy tarmoqlarda xabar berib, yuqori o‘ng burchakdagi odatiy tugma yo‘qolganiga e’tibor qaratishdi.
Gap yon panelda mahsulotlar, saytlarga havolalar yoki promoaksiyalar ko‘rsatiladigan reklama bloklari haqida ketmoqda.
Ilgari bunday e’lonlarni butun ekranda tomosha qilish uchun oddiy usulda olib tashlash mumkin edi. Endi bu imkoniyat yo‘qoldi — reklama o‘z-o‘zidan tugamaguncha qoladi.
YouTube hozircha o‘zgarishlarga izoh bermadi, shuning uchun bu yangi format sinovining bir qismi yoki allaqachon doimiy yechim ekanligi noma’lum.
Biroq, foydalanuvchilarning munosabati umuman olganda salbiy bo‘lib chiqdi: ko‘pchilik video tomosha qilish noqulay bo‘lib qolganini va yopishqoq reklamalar kontent bilan ishlashga xalaqit berayotganini ta’kidladi.
Avvalroq Spot YouTube SI yordamida videolar sifatini avtomatik ravishda yaxshilashni boshlashi haqida yozgandi.
Bunday imkoniyat ixtiyoriy bo‘lib, mualliflar ham, tomoshabinlar ham avtomatik yaxshilanishdan voz kechish imkoniyatiga ega bo‘ladilar.
