Telegram UFCning sobiq chempioni Habib Nurmagomedovning papaxalari bilan bog‘liq sovg‘alar kimoshdi savdosidan $4,35 mln (347 mlndan ortiq) daromad oldi.
Messenjerda Nurmagomedovning papaxasi bilan bog‘liq sovg‘alar kimoshdi savdosida bir kecha-kunduzda 29 000 ta kolleksion papax sotdi.
TACC nashri xabariga ko‘ra, sotuvdan tushgan umumiy daromad taxminan 347 194 mln rublni tashkil etdi. Virtual papaxning o‘rtacha narxi 10 100 “yulduz” bo‘ldi. Bitta “yulduz"ning narxi 1 rubldan 2 rublgacha o‘zgarib turadi.
“Papaxa hech qachon shunchaki bosh kiyim bo‘lmagan. U qayerdan ekanligingiz, hurmat va intizom haqida. U bizga haqiqiy kuch faqat qudratdan emas, balki an’anadan kelib chiqishini eslatadi. Bularning hammasini menga otam papaxani berganida o‘rgatgan edi. Endi esa men uni senga topshiryapman”, — deya yozdi Nurmagomedov auksion boshlanganini e’lon qilganda o‘zining Telegram-kanalida.
Avgust oyida Pavel Durov Telegram foydalanuvchilari messenjerning “tug‘ilgan kuni” uchun sovg‘alar partiyasini uch daqiqada sotib olishgani haqida xabar bergandi.
Ishlab chiquvchilar jamoasi “Durov ko‘zoynaklari”, “qarshilik kuchugi”, qumli qal’a, syorfing taxtasi va pushti flamingolarni sotuvga chiqardi. Ulardan ikkitasi faqat Telegram Premium egalari uchun cheklangan miqdorda chiqarilgan.
Bir kishiga $100 atrofidagi narxda beshtadan ko‘p bo‘lmagan kuchukcha va $600dan uchta ko‘zoynak sotib olishga ruxsat berilgan.
Durovning aytishicha, har ikkala cheklangan sovg‘a ham 15 soniyada sotib bitkazilgan. Messenjer sovg‘alarni sotishdan $11 mindan ortiq foyda olgan.
Shuningdek, Durov 1-sentabrgacha yanada qat’iy cheklovlar bilan yana 2−3 ta sovg‘a chiqarishni taklif qildi. Nashr e’lon qilingan paytda 66,4 mingdan ortiq foydalanuvchi tashabbusni qo‘llab-quvvatlagan, 17,6 mingga yaqini esa qarshi ovoz bergan.
Avvalroq ayrim OAVlar Telegram ayrim davlatlar uchun akkauntni tasdiqlashni pullik qilgani haqida xabar bergandi.
Bunday xabarning narxi o‘rtacha $1 dan $1,5 gacha bo‘lib, xarajat bir haftalik Premium obunasi bilan qoplanadi.
