Clockster biznes uchun jarayonlarni avtomatlashtirishga e’tibor qaratib, xizmat ko‘rsatuvchi xodimlarni boshqarish yechimlarini faol rivojlantirmoqda. Clockster asoschisi va bosh direktori Yerjan Risqali kompaniya tarixi, Workly’ning strategik xaridi, HR Tech’dagi kengayish rejalari va tendensiyalari haqida so‘zlab berdi.
HR Tech’ga qanday kirib keldingiz va kompaniyani aynan shu yo‘nalishda rivojlantirishga nima undamoqda?
Men Qozog‘istonning neft poytaxti — Atirau shahrida tug‘ilib o‘sganman. U yerdagi ko‘pchilik singari men ham karyeramni neft sanoatida boshlaganman: 2009-yildan 2011-yilgacha AgipKCO (hozirgi NCOC BV) IT departamentida ishlaganman. Keyin mablag‘ yig‘ib, bolalik orzumni amalga oshirdim — Milandagi Scuola Politecnica di Design’ga transport dizayni bo‘yicha o‘qishga kirdim. Ammo ikki yildan so‘ng bu soha men uchun emasligini tushunib, Qozog‘istonga qaytdim. 2013-yilda Ostonaga ko‘chib o‘tdim va hindistonlik hamkasbim bilan yirik korxonalar va davlat sektori uchun buyurtma yechimlarini ishlab chiquvchi IT-kompaniyasini ochdik.
Dastlabki mijozlar orasida Qozog‘istondagi KFC, Hardee’s va Costa Coffee franshizalari egasi Americana Food ham bor edi. 2015-yilda ular xizmat ko‘rsatuvchi xodimlarini boshqarish tizimini ishlab chiqishni so‘rashdi va bu Clockster uchun boshlanish nuqta bo‘ldi. 2016-yilda biz loyihani yakunladik, 2017-yilda esa bu g‘oya davomat va jadvallarni hisobga olish uchun bulutli platformaga aylandi.
O‘sha paytda Qozog‘istonda HR Tech kam rivojlangan edi, ayniqsa “ko‘k yoqalilar” uchun. Bizdagi to‘plangan tajriba va yildan-yilga Clockster foydalanuvchilari ko‘payib borishi, bizni Markaziy Osiyoda yetakchi bo‘lishga undaydi. Sababi Clockster — bu xodimlar boshqaruvini avtomatlashtiruvchi yechim.
Clockster missiyasini ikki og‘iz so‘z bilan qanday ta’riflagan bo‘lardingiz?
Bizning vazifamiz — biznesga har bir xodimning samaradorligini oshirishga yordam berish. Clockster qattiq nazorat yoki qisqartirish haqida emas, balki inson uchun ko‘proq ma’no va intizom haqida. Biznes daromadli bo‘lishi, u maosh to‘lay olishi uchun va xodimlari o‘z vazifalarini vaqtida va to‘liq bajarishiga e’tibor qaratamiz. HR-mutaxassislar kundalik ishlarga — smenalarni taqsimlashga, ish haqini hisoblashga vaqt sarflamasliklari kerak. Hammasi avtomatlashtirilgan: ishga ol, ishla, qolganini tizim bajaradi. Natijada — maksimal samaradorlik.
Kompaniya qanday rivojlandi va qanday qiyinchiliklar mavjud edi?
Biz boshlagan davrlar — “ko‘k yoqalilar” uchun HR Excel jadvallari bilan, korporativ madaniyat esa ofis xodimlari bilan bog‘liq bo‘lgan. 100 kishigacha bo‘lgan kichik va o‘rta biznesda pullik IT-mahsulotlar orqali avtomatlashtirish oddiy narsadek tuyulardi. SaaS iste’mol madaniyatining o‘zi yo‘q edi: mijozlar oylik to‘lov obunaga emas, balki bir martalik xaridlarga o‘rganib qolishgan, bu esa savdo nuqtai nazaridan muammo edi.
Qozog‘istonda biz shunday mahsulotlarni iste’mol qilish madaniyatini yaratdik. Dinamika sekin edi: boshida oyiga 5−6 ta mijoz jalb qilinardi, xarajatlarni qoplash uchun esa 150 ta mijoz kerak edi.
Biz rivojlanish uchun venchur mablag‘lari kerakligini tushundik va shu tariqa 2018-yilda biznes farishtalaridan (angel investors) $240 ming jalb qildik. Savdo yaxshi boshlandi, ammo keyin dinamika tezda pasaydi, chunki birinchi mijozlar asosan tanishlar va do‘stlar edi.
Keyin esa 2020-yil keldi: pandemiya bizning asosiy segmentimiz — chakana savdo va HoReCa’ga zarba berdi, daromad keskin pasaydi. Inqirozdan omon qolish uchun biz Singapur venchur fondidan sarmoya jalb qildik va modelni sinab ko‘rishga qaror qildik. Mahsulotning bepul versiyasi ishga tushirildi va bu ish berdi — oyiga 250−350 ta kompaniya ulanib, foydalanuvchilarning muhim massasini tezda to‘pladi.
Shu bilan birga, biz geografik jihatdan kengayishga qaror qildik va Indoneziyada ofis ochdik, u yerda tezda 70 ta mijozni jalb qildik. Biroq, haqiqat shafqatsiz bo‘lib chiqdi: u yerdagi o‘rtacha chek Qozog‘istonga qaraganda 2−3 baravar past, raqobat ulkan, mijozlarni jalb qilish xarajatlari esa bir yarim-ikki baravar yuqori.
Natijada, ichki bozorga e’tibor qaratib, Qozog‘istonga qaytdik va bu o‘z samarasini berdi: 2023−2024-yillarda kompaniya ikki barobarga o‘sdi, qo‘shni O‘zbekistondan mijozlar esa tabiiy ravishda oyiga 2−3 ta kela boshladilar. 2025-yilga kelib biz keyingi qadam — Workly’ni sotib olishga tayyor edik, bunda bizni mahalliy venchur investorlar qo‘llab-quvvatladi. Bu haqiqiy “win-win” bo‘ldi: venchur mablag‘lari mintaqada qolib, mahalliy bozorni rag‘batlantirdi, biz esa vaqtdan yutdik — O‘zbekistonda o‘z kuchimiz bilan uch yillik o‘sish o‘rniga, darhol mijozlar bazasi, jamoa va texnologiyalarga ega bo‘ldik.
Workly sotib olingandan so‘ng integratsiya qanday kechdi?
Integratsiya nisbatan osoyishta o‘tdi: texnologiyalar to‘plami bir xil, jamoalar endi Qozog‘iston va O‘zbekistondan teng taqsimlangan, dasturchilar soni ikki baravarga oshdi, bu esa yangi yechimlarni ishlab chiqishni tezlashtiradi. Natijada, ushbu bitim Markaziy Osiyodagi eng yirik HR Tech platformasiga aylanish maqsadimizni mustahkamladi. 21 mln aholisi bo‘lgan Qozog‘iston va 38 mln aholisi bo‘lgan O‘zbekistonning umumiy bozori deyarli 60 mln kishini tashkil etadi, bu investorlar, banklar va telekommunikatsiya hamkorlari uchun jiddiy ko‘lamdir.
Workly xaridi mijozlarga qanday ta’sir ko‘rsatadi? Qaysi funksiyalar Clockster’ga ko‘chiriladi?
Workly mijozlari uchun hech narsa salbiy tomonga o‘zgarmaydi — ular platformadan to‘liq foydalanishda davom etadilar va biz Clockster’ga ko‘chishni tezlashtirishni rejalashtirmayapmiz. Biroq, endi barcha yangi xususiyatlar va yangilanishlar birinchi navbatda Clockster’da paydo bo‘ladi, chunki bu bizning asosiy mahsulotimizdir. Biz Clockster’ni kuchaytirish maqsadida Workly’dan asosiy modullarni ko‘chirish jarayonini boshladik.
Masalan, ularning hisobot moduli juda murakkab va ilg‘or bo‘lib, bizning tizimimizni ajoyib tarzda to‘ldiradigan ko‘plab tahliliy vositalarga ega. Biz shunchaki mijozlar o‘tish paytida hech narsa yo‘qotmasliklari uchun uni integratsiya qilamiz. Vazifa boshqaruvchisi bilan ham xuddi shunday: unda vazifalarni taqsimlash va kuzatish uchun qiziqarli kichik modullar mavjud bo‘lib, biz ularni ko‘chirib, takomillashtiramiz.
Clockster uchun qanday bozorlar ochilmoqda?
Workly’ni sotib olganimizdan so‘ng, biz Markaziy Osiyoning asosiy shaharlariga e’tibor qaratmoqdamiz, chunki bu yerdagi bozorlar ko‘proq mamlakatlar haqida emas, balki to‘lovga qodir biznesga ega yirik markazlar haqida. Bular — Astana va Almati, Toshkent, Bishkek va Boku. Bokuda allaqachon yirik mijozlarimiz bor — 300−500 nafar xodimga ega tarmoqlar va u yerda shartnomalari yuqoriroq. 2026-yilda o‘z ishtirokimizni mustahkamlash uchun Bokuda kichik savdo ofisini ochishni rejalashtirmoqdamiz.
Bishkekni hozircha masofadan, hamkorlar orqali, to‘liq ofis ochmay rivojlantiramiz. 2026-yil oxirida esa Janubi-Sharqiy Osiyoga qaytishni rejalashtiryapmiz, ammo bu safar Filippinga, xususan Manilaga e’tibor qaratmoqchimiz. U yerda 20 mln aholi yashaydi, raqobatchilar kam va daromad Qozog‘istondagi kabi.
Qanday yangi mahsulotlarni ishlab chiqarishni rejalashtiryapsiz?
Clockster’ni haqiqiy universal yechimga aylantirish uchun bir nechta mahsulot ustida jadal ishlamoqdamiz. Ularning eng muhimlaridan biri — sun’iy intellektga asoslangan smenalarni boshqarish tizimi. U ma’lumotlarni tahlil qiladi, ish hajmini prognoz qiladi, lavozimlarni hisobga oladi va to‘xtab qolish yoki ortiqcha yuklanishning oldini olish maqsadida smenalarni avtomatik tarzda taqsimlaydi. Bu, ayniqsa, 500 dan ortiq xodim ishlaydigan yirik kompaniyalarda — smenalarni rejalashtirish juda muhim bo‘lgan joylarda dolzarb bo‘ladi.
Biz AI-kommunikatsiyani yanada rivojlantirmoqdamiz: operatorlarning ovozli yoki matnli so‘rovlarini tushunadigan chat-bot. Bu, ayniqsa, 200−300 dan ortiq odamni boshqaradigan menejerlar uchun kundalik tartibni tezlashtiradi. Umuman olganda, biz sun’iy intellekt yechimlarini boshqa mahsulotlarimizga ham joriy etmoqdamiz, masalan, aloqa va so‘rovlar modullari, tekshiruv ro‘yxatlari va vazifalar, xodimlar bo‘limi ishini yaxshilashga yordam beradigan ish haqini hisoblash.
Bundan tashqari, kadrlar bilan ishlash: Qozog‘istonda biz shartnomalarni elektron imzolash va ro‘yxatdan o‘tkazish uchun Egov Business va Enbek kabi davlat tizimlari bilan allaqachon integratsiyalashganmiz. O‘zbekistonda hozir shunday yechimlarni ishlab chiqyapmiz.
HR Tech’ni yaqin 5−10 yil ichida nima kutmoqda?
HR Tech’da hamma narsa all-in-one platformalariga borib taqaladi, bu yerda bitta ilovada hamma narsa jamlangan — davomatni qayd etishdan tortib to‘liq hujjat aylanishigacha. Bu tizimlar banklar bilan ham chuqur integratsiyalashadi: ish haqi hisoblab chiqiladi — tugma bosiladi, SMS orqali tasdiqlanadi va to‘lov amalga oshadi, hech qanday to‘lov fayllarini import qilishga hojat qolmaydi.
Bundan tashqari, moliya bilan chuqur integratsiya: kreditlar, sug‘urta, xodimlar uchun muddatli to‘lovlar to‘g‘ridan-to‘g‘ri tizimda. Ishga qabul qilishni avtomatlashtirish sun’iy intellekt intervyulari tufayli yuqori darajaga ko‘tariladi — tizimlar suhbatlar o‘tkazish, ohang, psixologiya va tajribani tahlil qilish va tayyor xulosa chiqarish imkoniyatiga ega bo‘ladi. Ayniqsa, yuqori oqimli “ko‘k yoqalilar” uchun bu ko‘p vaqtni tejaydi.
Startap boshlashni istaganlar uchun maslahatlar?
Asosiysi, e’tiborni tez pul topishga emas, haqiqiy muammoni astoydil hal qilishga qarating. Natijada pul o‘z-o‘zidan keladi. Men ko‘p kuzataman: odamlar boshidanoq monetizatsiyaga yopishib oladi, lekin bu ish bermaydi. Avval muammoni rostdan hal qiling — qolgan hammasi o‘zi iziga tushadi.
Loyiha “QR Fan va oliy ta’lim vazirligi fan qo‘mitasi” DM pul mablag‘lari hisobidan moliyalashtiriladigan RNTni tijoratlashtirishni grant moliyalashtirishni amalga oshirish doirasida amalga oshirildi.
E-mail: info@clockster.com
Sayt: clockster.com
Facebook: fb.com/clocksterhrm
Instagram: @clockster_kz
LinkedIn: linkedin.com/company/clockster
Reklama huquqlari asosida.
