Avvalroq Spot prezident 2026-yil uchun davlat budjeti to‘g‘risidagi qonunni imzolagani haqida yozgandi.
Hujjat bilan 2026-yil 1-yanvardan ko‘chmas mulk va avtotransport vositalarini ijaraga beruvchi jismoniy va yuridik shaxslar uchun ijara to‘lovining eng kam stavkalari belgilandi.
Unga ko‘ra, mol-mulkni ijaraga beruvchi shaxslar uchun soliq solish maqsadida qo‘llaniladigan ijara to‘lovining minimal stavkalari 7% ga indeksatsiya qilinadi.
Eng kam soliq stavkalari quyida keltirilgan:
| Ijaraga beriladigan mol-mulk turi | Belgilangan stavka miqdorini tavsiflovchi ko‘rsatkich | Taklif etilayotgan oylik ijara to‘lovi stavkalarining eng kam miqdorlari, so‘mda | ||
| Toshkent | Nukus, viloyat markazlari | boshqa aholi punktlari | ||
| 1. Binolar: | ||||
| turar joy | Umumiy maydonning 1 km.metri uchun | 30 000 (+7,14%) | 14 500 (+7,4%) | 5 900 (+7,27%) |
| noturar joy | 48 000 (+6,67%) | 28 400 (+7,16%) | 11 800 (+7,27%) | |
| 2: Avtotransport | ||||
| yengil avtomobil (yo‘lovchilar, bagaj tashishga mo‘ljallangan hamda haydovchi o‘rnini hisoblamaganda, o‘rindiqlari soni 8tadan ko‘p bo‘lmagan avtomobillar) | 1 ta avtomobil uchun | 918 000 (+7%) | ||
| mikroavtobuslar, avtobuslar va yuk avtomobillari | 1 824 000 (+7%) | |||
Mazkur stavkalar jismoniy va yuridik shaxslarning mol-mulkini ijaraga berishdan olinadigan daromadlariga soliq solish maqsadida qo‘llaniladi.
Shu bilan birga, ular ko‘chmas mulkdan tekin foydalanish shartnomalariga tatbiq etiladi. Bundan yaqin qarindoshlar o‘rtasidagi tuzilgan shartnomalar mustasno.
2025-yilda mol-mulkni ijaraga beruvchi shaxslar uchun soliq solish maqsadida qo‘llaniladigan ijara to‘lovining minimal stavkalari 10−12% ga indeksatsiya qilingandi.
Avvalroq qishloq xo‘jaligi yerlarini qayta ijaraga berish tartibi o‘zgargani haqida xabar berilgandi. Endi yer maydoni minimal o‘lchamlardan kam bo‘lmasligi, chegaralar esa davlat xizmatlari orqali belgilanishi lozim.
