Milliy ekologiya qo‘mitasi huzuridagi Davlat ekologik ekspertizasi markazi Sea Breeze Uzbekistan loyihasi va uning atrof-muhitga ta‘siri bo‘yicha jamoatchilik eshituvlarini e‘lon qildi.
Uchrashuv davomida quyidagi masalalar muhokama qilinadi:
- hududni rejalashtirish va qurilish yechimlari;
- atmosfera havosi, suv va tuproqqa bo‘ladigan ta‘sir;
- chiqindilarni boshqarish;
- yashil hududlar va suv ob‘ektlarini muhofaza qilish;
- ekologik xavfsizlik choralari va monitoring masalalari.
Jamoatchilik eshituvlari 23-yanvar kuni Bo‘stonliq tumani hokimligi binosida (Yandeks xarita, Google Maps) bo‘lib o‘tadi. Tadbir 10:00 da boshlanadi.
Muhokamada ishtirok etish uchun jamoatchilik vakillari, mutaxassislar va boshqa manfaatdor shaxslar taklif etiladi. Tashkiliy masalalar (+998 90) 348−11−55 (Mars Xegay), blogerlar va OAV so‘rovlari (+998 90) 799−99−97 (Oraz Abdurazzoqov) telefon raqamlari orqali qabul qilinadi.
Avvalroq sanoat korxonalarini poytaxtdan tashqariga ko‘chirish boshlangani haqida xabar berilgandi.
