Toshkent aeroportida Xitoyda ishlab chiqarilgan Robo Coffee ish boshladi, deb xabar berdi Uzbekistan Airports matbuot xizmati.
Taʼkidlanishicha, ushbu robotlashtirilgan kofe burchagi nafaqat aeroportda, balki butun O‘zbekistonda birinchi hisoblanadi.
Robot-barista tanlangan qahvaga qarab 1,5 daqiqadan 3 daqiqagacha ichimlik tayyorlaydi. Menyuda 20 ga yaqin ichimlik turlari mavjud.
Qayd etilishicha, isteʼmolchilar maxsus dizaynli ichimlik — inson surati tushirilgan qahva buyurtma qilishi mumkin.
To‘lov naqd pul, bank kartasi va to‘lov tizimlari orqali qabul qilinadi.
Avvalroq Toshkent aeroportida tunda elektr ta‘minoti 20 daqiqaga uzilgandi.
