Forbes jurnali 2017 yil 1 iyundan 2018 yil 1 iyungacha AQShda 24,5 million kitob sotishdan jami 283 million $ olgan 11 nafar yozuvchi ro’yxatini e’lon qildi.
Birinchi o’rinni inspektor Aleks Xros haqidagi romanlari bilan tanilgan Jeyms Patterson egalladi. Uning hisobida 86 million $ va 4,8 nusxada sotilgan kitoblar bor.
Garri Poter dunyosini yaratgan Britaniyalik Joan Rouling 54 million $ va 2,7 million sotilgan kitob bilan Forbes ro’yxatining ikkinchi o’rnida joylashdi. O’tgan yilgi reytingda u 95 million $ bilan yetakchilik qilgan edi.
Eng ko’p haq to’lanadigan yozuvchilar uchligini Stiven King yopdi. AQSHda ijod namunalarining 2,7 million nusxasini sotganidan so’ng 27 million $ foyda ko’rdi. Ushbu miqdorning aksariyatini unga 2017 yilda ekranlarda namoyish etilgan “U” romanining yangi versiyasi olib keldi.
To’rtinchi o’rinni Jon Grishem (21 mln. $), Den Braun va Jeff Kinni 18,5 mln $ bilan beshinchi o’rinni egalladi.
