“Qimmatbaho metallar va qimmatbaho toshlar to‘g‘risida"gi Qonun (O‘RQ-710-son, 23.08.2021 y.) Prezident tomonidanimzolandi.

Qonunga ko‘ra, qimmatbaho metallar va toshlar bo’lgan yerdan foydalanish jismoniy va yuridik shaxslarga Davlat geologiya va mineral resurslar qo‘mitasi tomonidan beriladi.

️Yer qaʼri uchastkalaridan foydalanish huquqi tugaganidan keyin ularni rekultivatsiya qilish hamda kelgusida foydalanish uchun yaroqli holatga keltirish yuzasidan choralar ko‘rish shart.

Qimmatbaho metallar va qimmatbaho toshlarni oltin izlovchilar usulida qazib olish bu bo‘yicha tegishli ruxsatnoma olgan jismoniy va yuridik shaxslar tomonidan amalga oshiriladi.

Bu turdagi toshlarni yashirish ushbu faoliyatni amalga oshirish uchun yer qaʼri uchastkalaridan foydalanish huquqini tugatish uchun asos bo‘ladi.

Shuningdek, qimmatbaho metallarni affinaj qilish bo‘yicha faoliyat affinaj korxonalari tomonidan beriladigan litsenziya asosida amalga oshiriladi.

Qimmatbaho metallardan va qimmatbaho toshlardan zargarlik buyumlarini yasash bo‘yicha faoliyat xabardor qilish tartibi asosida amalga oshiriladi.

️Qimmatbaho metallar va qimmatbaho toshlar qazib olinayotganda, ishlab chiqarilayotganda, ulardan foydalanilayotganda hamda ular realizatsiya qilinayotganda hisobga olinishi shart.

Ushbu Qonun rasmiy eʼlon qilingan kundan eʼtiboran uch oy o‘tgach kuchga kiradi.

"Spot.uz"da reklama