Axborot texnologiyalari va kommunikatsiyalarini rivojlantirish vazirligi, Toshkent shahridagi Amiti universiteti, IT Park va Albison akademiyasi tomonidan WEB-FULLSTACK yo‘nalishi bo‘yicha qizlar uchun ingliz tilida bepul intensiv kurslartashkil etilmoqda.
Kursning asosiy maqsadi — qizlarning axborot texnologiyalari sohasiga bo‘lgan qiziqishini orttirish hamda sohada o‘z salohiyatini kuchaytirish uchun zarur bilim va ko‘nikmalarni taqdim etish.
Kurs intensiv hisoblanib, mutlaqo bepul va qisqa vaqt ichida dasturchilar tayyorlash uchun mo‘ljallangan.
Ro‘yxatdan o‘tish muddati 23-martgacha. IT GIRLS kursida qatnashish uchun ishtirokchilar quyidagi talablarga javob berishlari lozim:
- 15yoshdan 28 yoshgacha
- IELTS 7+
- Shaxsiy noutbuk
Birinchi bosqichda tinglovchilar web-dasturlashning Frontend yo‘nalishi bo‘yicha saboq olishadi. Ikkinchi bosqichda esa, 3 oy Backend yoki mobil-dasturlash kurslariga ham qatnashish imkoniyatini qo‘lga kiritadilar.
Darslar har kuni soat 18:00 — 20:00 gacha Toshkentdagi Amiti Universitetida oflayn tarzida bo‘lib o‘tadi.
Ushbu kurs dasturlashni o‘rganishni endi boshlagan yoki mustaqil o‘rganishda qiyinchiliklarga duch kelayotgan, shu bilan birga, ingliz tilini mukammal egallagan qizlarga mo‘ljallangan. Kurs davomida barcha qo‘shimcha o‘quv materiallar to‘liq ingliz tilida berib boriladi. Bundan tashqari, doimiy ravishda soft skills bo‘yicha treninglar tashkil etiladi.
Shuningdek, kursni muvaffaqiyatli yakunlagan har bir talaba qiz o‘zi uchun kuchli portfolio yaratish imkoniyatiga ega bo‘ladi. Dastur Yevropa standartlari asosida tuzilgan bo‘lib, darslar ko‘p yillik tajribaga ega ustozlar tomonidan o‘tiladi.
Bepul kurslarga a’zo bo‘lish uchun havola orqali ro‘yxatdan o‘ting: https://clck.ru/e52BD
Batafsil ma’lumot uchun: www.albison.uz
