TikTok Shop US xizmati ustida ishlaydigan xodimlarni yanada ko‘proq ishdan bo‘shatmoqda.
Kollagen qo‘shimchalari va idish yuvish uchun elektr cho‘tkalarning barcha reklamalariga qaramay, TikTok Shop US unchalik yaxshi ishlamayapti.
Bloomberg hisobotiga ko‘ra, TikTok aprel oyidan beri ushbu jamoani ishdan bo‘shatishning uchinchi bosqichini o‘tkazdi, ammo bu qancha ish o‘rinlariga ta’sir qilganini oshkor qilmadi.
Kompaniyaning chakana elektron tijorat sotuvchisi TikTok Shop US ikki yildan kamroq vaqt oldin ishga tushirilgan bo‘lib, turli mahsulotlarni sotadi va ijodkorlarga sotuvni boshlagan videolar uchun komissiya taklif qiladi. Shop TikTokning eng tez rivojlanayotgan biznesi bo‘lib qolsa-da, TikTokning AQShdagi taqdiri noaniqligicha qolmoqda.
30-iyun kuni AQSh Xitoyning TikTok ijtimoiy tarmog‘ining Amerika bo‘limiga xaridor topgani haqida xabar berilgandi.
Kelgusi ikki hafta ichida ushbu “juda boy odamlar” guruhining tarkibi oshkor qilinadi, deya bayonot berdi Donald Tramp.
Trampning ta’kidlashicha, Amerikada TikTok’ning xaridori topilgan. Ilovani sotish muddatini uzaytirish rejalashtirilmoqda — bu unga mamlakatda ishlashni davom ettirish imkonini beradi.
“Bizning TikTok’da xaridorimiz bor. Menga Xitoyning roziligi kerak bo‘lsa kerak, va o‘ylashimcha prezident Si buni berishi ehtimoli yuqori”, deya ta’kidladi u.
Yanvar oyida Tramp milliy xavfsizlikka tahdid tufayli ilovani AQShda sotish yoki taqiqlashni talab qiluvchi qonun ijrosini kechiktirgan farmonni imzolagan edi.
Aprel oyida Donald Tramp AQShda TikTok faoliyatini yana 75 kunga uzaytirishga qaror qilganini ma’lum qildi.
12-iyun kuni AQShda TikTok sotuvini yana kechiktirish rejalashtirilayotgani haqida xabar berilgandi.
18-iyun kuni esa Tramp AQShda TikTok’ni bloklashni 90 kunga uzaytirish to‘g‘risidagi farmonni imzoladi.
Prezident platforma faoliyatini to‘xtatishni rejalashtirmayotganini aytib, amerikaliklar ma’lumotlarini himoya qilishni ta’minlaydigan kelishuvni yakunlash uchun ko‘proq vaqt berdi.
Avvalroq Spot TikTok virtual frilanserlar bilan reklama videolarini yaratish funksiyasini qo‘shgani haqida yozgandi.
Sun’iy intellekt haqiqiy odamlarning kontentini taqlid qilishi, matnli so‘rov asosida video yaratishi hamda mahsulotni namoyish etishi mumkin.
