Toshkentda kovorkinglarga bo‘lgan talab tobora ortib bormoqda — ko‘plab mutaxassislar, startaplar va kichik kompaniyalar uzoq muddatli ijara o‘rniga moslashuvchan ofis xizmatlarini afzal ko‘rmoqda.

Zamonaviy kovorking joylari nafaqat ish joylarini, balki dam olish zonalari, konferensiya zallari, ta’lim dasturlarini taklif etadi.

Spot poytaxtda qanday kovorking markazlari borligi, sharoitlari, narxlari va manzillari haqidagi ma’lumotlarni bir joyga jamladi.

GroundZero

Narxi: soatiga 60 ming so‘mdan.

"Spot.uz"da reklama

Poytaxtdagi birinchi kovorking markazlaridan biri. Bugungi kunda GroundZero uchta filialiga ega — GroundZero Kitob olami, GroundZero Minor va GroundZero Sharq.

Uchala filialda ham alohida ofislar, yuqori tezlikdagi mahalliy va simsiz internet, shaxsiy buyumlarni saqlash uchun shkaflar, majlislar zallari va turli mavzudagi tadbirlar uchun konferensiya zali mavjud.

Shuningdek, har bir stol rozetkalar bilan jihozlangan, barcha kerakli ish yuritish buyumlari, muzlatgichli oshxona, mikroto‘lqinli pech, choy, kofe va shirinliklar, shuningdek, ofis jihozlari — nusxalash, printer va skaner bor.

Uchrashuv xonasini bron qilish uchun menejer bilan bog‘lanib, ism, sana, vaqt va aloqa raqamini taqdim etish lozim. Shuningdek, filiallardan birida rezident bo‘lish imkoniyati mavjud bo‘lib, rezidentlik muddati yetti kundan bir oygacha davom etadi.

kovorking, kovorking markazi

Foto: Groundzero

Kovorking markaziga tashrif buyurish narxi tarif tanloviga bog‘liq:

  • 1 soat — 60 ming so‘m;
  • 2 soat — 70 ming so‘m;
  • 3 soat — 80 ming so‘m;
  • 1 kun — 130 ming so‘m;
  • 1 hafta — 700 ming so‘m.

GroundZero rezidenti bo‘lish uchun tanlangan shartlar va qulayliklar to‘plamiga qarab oyiga 500 ming so‘mdan 2,75 mln so‘mgacha obuna bo‘lish mumkin. Barcha xizmatlarni o‘z ichiga olgan to‘liq bir yillik rezidentlik taxminan 5 mln so‘mga tushadi.

Kovorking markazlari kecha-yu kunduz va dam olish kunlarisiz ishlaydi.

Manzil va aloqa:

GroundZero Kitob Olami:
Aloqa telefoni: +998 90 955 99 69
Manzil: Mustaqillik xiyoboni 6/7

GroundZero Minor:
Aloqa telefoni: +998 90 901 20 01
Manzil: Yunusobod tumani, Minor mavzesi, 70

GroundZero Sharq:
Aloqa telefoni: +998 90 830 30 35
Manzil: Taraqqiyot 2-tor ko‘chasi, 33

IMPACT.T (Technology Hub)

Narxi: kuniga 70 ming so‘mdan boshlanadi.

IMPACT.TERRITORY — bu texnologik xab bo‘lib, dunyoga ijobiy ta’sir ko‘rsatadigan kompaniyalarni yaratish va rivojlantirishga intilayotgan ijodkorlar uchun hamkorlik maydoni, markaz va akselerator vazifasini bajaradi.

Uning maydoni to‘rt qavatdan iborat bo‘lib, bog‘li terrasaga ega. Umumiy ijaraga olingan maydoni 1836 m² bo‘lib, 160 dan ortiq ish o‘rinlarini o‘z ichiga oladi. Bu yerda yopiq va ochiq ish joylari, muzokaralar, uchrashuvlar hamda turli tadbirlar uchun maxsus maydonlar mavjud.

Bir martalik tashrif narxi — 24 soat uchun 70 ming so‘m. Belgilangan ish joyiga obuna bo‘lish oyiga 2,2 mln so‘m, erkin rezidentlik esa oyiga 1,7 mln so‘mni tashkil etadi.

Tadbirlar uchun katta va kichik zallar mavjud, ular 2 soatdan boshlab ijaraga beriladi:

  • 35 kishiga — soatiga 500 ming so‘m;
  • 100 kishiga — soatiga 800 ming so‘m.

Shuningdek, miting xonalarini ijaraga olish mumkin:

  • 6 kishiga — soatiga 100 ming so‘m;
  • 10 kishiga — soatiga 200 ming so‘m.

Qo‘shimcha imkoniyatlar:

  • tomdagi ayvon — 1,5 mln so‘m;
  • kofe-breyklar zonasi — 500 ming so‘m;
  • alohida ofis — oyiga $500.

Hab kecha-yu kunduz ishlaydi.

Manzil va aloqa:
Aloqa telefoni: +998 90 064 64 46
Manzil: Yakkasaroy tumani, Bog‘ibo‘ston ko‘chasi 186.

kovorking, kovorking markazi

Foto: Spot

hub.module

Narxi: soatiga 40 ming so‘mdan.

hub — Toshkent markazida 30 o‘rinli ish zonasi, 8 kishilik muzokara xonasi, ikkita kichik ofis, onlayn uchrashuvlar uchun alohida Zoom xonasi, lounge zonasi, oshxona va dush xonasiga ega kovorking markazi. Bu joy individual ishlash va kichik jamoalar uchun mo‘ljallangan.

Bir martalik tashrifdan oldin onlayn joy band qilish talab etiladi. Rezidentlar qabulxonada administrator orqali bronlashni rasmiylashtiradilar.

Kompaniyalar uchun kovorking yuridik manzil xizmatini taklif etadi — oyiga 1 mln so‘m. Paketga manzilni ro‘yxatdan o‘tkazish, virtual ofis va oyiga 2 soatlik muzokara xonasidan bepul foydalanish kiradi.

Open Space’dagi ish joylariga bepul tashrif tariflari:

  • 1 soat — 40 ming so‘m;
  • 1 kuniga — 130 ming so‘m;
  • haftasiga — 650 ming so‘m.

Rezidentlar oyiga 1,4 mln so‘m to‘laydi, ayollar uchun 1,2 mln so‘mlik tarif mavjud. Biriktirilgan ish joyi va shaxsiy shkafli Unlim paketi oyiga 2,25 mln so‘m.

Qo‘shimcha hududlar ijarasi:

  • muzokaralar xonasi — soatiga 130 ming so‘m yoki kuniga 900 ming so‘m;
  • 2 kishilik mini-ofis — soatiga 95 ming so‘m yoki kuniga 550 ming so‘m;
  • 4 kishilik ofis — soatiga 110 ming so‘m yoki kuniga 700 ming so‘m;
  • Lounge va Zoom xonalari — soatiga 40 ming so‘m.

Kovorking soat 09:00 dan 21:00 gacha ishlaydi.

Manzil va aloqa:
Aloqa telefoni:+998 97 005 50 20
Manzil: Taras Shevchenko ko‘chasi, 42

kovorking, kovorking markazi

Foto: Hubmodule.net

С-space

Narxi: soatiga 30 ming so‘mdan.

Shahar bo‘ylab 7 ta filialga ega C-Space kovorking markazi zamonaviy ergonomik standartlarga mos jihozlangan ichki va tashqi ofis xonalarini taqdim etadi. Bu yerda 4 tadan 12 kishigacha sig‘adigan yig‘ilish zallari, konferensiya zallari va mini-ofislar mavjud.

Rezidentlar uchun qo‘shimcha xizmatlar — yuridik maslahatlar, sport zali, spa va qahvaxona mavjud.

Tarmoq tashrif buyuruvchilar uchun turli xil tarif rejalarini taklif qiladi. Mehmon tashrifi soatiga 30 ming so‘m, kuniga 150 ming so‘m va haftasiga 700 ming so‘m turadi. Rezident paketlar quyidagilarga bog‘liq:

Obuna
1 oylik

3 oylik

6 oylik

Hybrid
3,5 mln
3,1 mln
2,8 mln
Dedicated
2,5 mln
2,2 mln
2 mln
Flex
1,5 mln
1,3 mln
1,2 mln
15 days

1 mln


900 ming so‘m

900 ming so‘m
Tungi

Uchrashuvlar uchun miting-xonalar (4−8 kishi) — soatiga 100−210 ming so‘m, shuningdek, 8−18 kishilik konferensiya zallari — soatiga 270 ming so‘mdan 420 ming so‘mgacha mavjud.

kovorking, kovorking markazi

Foto: CSpace

Tarmoqning barcha filiallari kecha-kunduz ishlab, mijozlarga yopiq ofislar hamda ochiq ish maydonlarini taklif etadi.

Manzil va aloqa:

C-Space Chust
Aloqa telefoni: +99897 736 20 22
Manzil: Toshkent, Chust ko‘chasi, 100077.

C-Space Labzak
Aloqa telefoni: +99897 716 79 77
Manzil: Toshkent, Labzak ko‘chasi, 64A.

C-Space Yunusobod
Aloqa telefoni: +99897 716 72 77
Manzil: Toshkent, Ahmad Donish ko‘chasi, 21A.

C-Space Elbek
Aloqa telefoni: +998 97 008 72 77
Manzil: Toshkent, Elbek ko‘chasi, 7.

C-Space Airport
Aloqa telefoni: +998 97 117 20 22
Manzil: Toshkent, Bobur ko‘chasi, 58A.

C-Space Modera Towers
Aloqa telefoni: +998 97 117 20 22
Manzil: Shota Rustaveli ko‘chasi, 19-uy.

C-Space Beruniy
Aloqa telefoni: +998 88 484 20 22
Manzil: Toshkent, Muxbir ko‘chasi, 3A.

My space

Narxi: kuniga 150 ming so‘mdan boshlanadi.

My Space — 50 ish o‘rniga mo‘ljallangan kovorking markazi. Bu yerda barcha zarur jihozlar mavjud: doimiy bo‘lmagan ish joylari, muzokaralar va Zoom xonalari, lounge zonasi, oshxona, yuvinish xonasi, dam olish joylari, printer, skaner va shaxsiy shkaflar. Shuningdek, tashrif buyuruvchilar uchun avtoturargoh ham mavjud.

Kovorking har kuni soat 9:00 dan 19:00 gacha ishlaydi.

Tariflar:

  • 1 martalik tashrif — kuniga 150 ming so‘m;
  • haftalik paket — 850 ming so‘m;
  • oylik rezidentlik — 3,2 mln so‘m;
  • pochta (yuridik) manzili — oyiga 2,5 mln so‘m.

Yuridik manzil xat-xabarlarni qayta ishlash va oyiga 8 soat Open Space’dan foydalanishni o‘z ichiga oladi.

Manzil va aloqa:

Aloqa telefoni: +998 71 200 20 90
Manzil: Amir Temur shoh ko‘chasi, 25.

kovorking, kovorking markazi

Foto: My space

U-ENTER

Narxi: kuniga 50 ming so‘mdan.

U-ENTER — ta’lim, infratuzilma, tadqiqot va biznesga yo‘naltirilgan tashabbuslarni birlashtiruvchi zamonaviy markaz bo‘lib, innovatsiyalar, yashil texnologiyalar, IT va startaplarni qo‘llab-quvvatlashga qaratilgan.

Markazning asosiy vazifasi startaplarning loyihalarini amalga oshirish va targ‘ib qilishda amaliy ko‘mak ko‘rsatish, yoshlarni tadbirkorlik faoliyatiga jalb etish va biznesga qiziqishni oshirishdir.

Shuningdek, ta’lim muassasalari hamda startap ekotizimini qo‘llab-quvvatlovchi tashkilotlar mutaxassislarining salohiyatini rivojlantirish, ekotizim ishtirokchilari o‘rtasida hamkorlikni kuchaytirish, biznes yuritishda zamonaviy uslublar va innovatsion yondashuvlarni targ‘ib qilishga alohida e’tibor qaratiladi.

kovorking, kovorking markazi

Foto: Yandeks xarita

Markaz, tahlil va tadqiqotlar orqali innovatsion tadbirkorlikni rivojlantirish ehtiyojlari va imkoniyatlarini aniqlaydi. Raqamli ishlab chiqarish infratuzilmasi va IT ko‘nikmalarini rivojlantirish dasturlaridan foydalanish imkoniyatlarini kengaytiradi hamda yashil texnologiyalarni joriy etishga qaratilgan loyihalar va tashabbuslarni ilgari suradi.

Kovorking tun-u kun ishlaydi.

Narxi:

  • mehmonlar uchun bir kunlik — 50 ming so‘m;
  • haftalik — 300 ming so‘m;
  • oylik esa 900 ming so‘m.

Manzil va aloqa:
Aloqa telefoni: +998 71 200 33 22
Manzil: Mirobod tumani, Shahrisabz ko‘chasi, 25.

Rooms Coworking

Narxi: soatiga 40 ming so‘mdan.

Markaz rezidentlari uchun qulay va samarali ish sharoitlari yaratilgan. Xususan, yuqori tezlikdagi Wi-Fi, qulay mebellar va muzokara xonalari mavjud.

Bundan tashqari, rezidentlar bepul elektr energiyasi, printer va skaner, dam olish zonalari, Zoom xonalari, avtoturargoh, texnik yordam va garderobdan foydalanishlari mumkin. Shuningdek, yuridik manzil taqdim etiladi. Shu bilan bir qatorda xavfsizlikni ta’minlash maqsadida kuzatuv kamerasi ham o‘rnatilgan.

Open Space’ga bir marta tashrif buyurish soatiga 40 ming so‘m yoki kuniga 150 ming so‘m turadi. Yakshanba kunlari kuniga 100 ming so‘m chegirma bor, ertalabki soatlarda esa (soat 9:00 dan 13:00 gacha) tarif 80 ming so‘mni tashkil etadi.

Doimiy foydalanuvchilar uchun rezident tariflari mavjud:

  • Hot Desk — oyiga 1,5 mln so‘m;
  • Dedicated Desk — oyiga 2 mln so‘m;
  • Private Office — oyiga 6 mln so‘m.

10 kishilik uchrashuv xonasi soatiga 200 ming so‘m yoki 3 soatda 550 ming so‘mga tushadi. Talabalar uchun aksiya amal qiladi — Rooms’ga birinchi tashrif bepul, keyingi tashriflar — 100 ming so‘mdan.

Kovorking tun-u kun ishlaydi.

Manzil va aloqa:
Aloqa telefoni: +998 97 780 07 07
Manzil: Mirzo Ulug‘bek tumani, Shahriobod ko‘chasi 128A

kovorking, kovorking markazi

Foto: Rooms coworking

Shake&Pear

Narxi: soatiga 25 ming so‘mdan.

Shake & Pear — Toshkent markazidagi kafega ega kovorking maydoni. U ish joylari, uchrashuv va dam olish joylari, shuningdek, kichik qahvaxonani o‘z ichiga oladi. Bu joy individual va guruhlarda ishlash uchun mo‘ljallangan bo‘lib, uchrashuvlar, ma’ruzalar va stol o‘yinlarini o‘tkazish uchun mos keladi.

Mehmonlar uchun biriktirilmagan ish joylari, Wi-Fi, kanselyariya, chop etish imkoniyatiga ega ofis texnikasi va administrator yordami mavjud. Ichkarida ichimliklar buyurtma qilish va tamaddi qilish mumkin bo‘lgan kafe faoliyat yuritadi. Shuningdek, kechqurunlari bu yerda o‘yin uchrashuvlari va kichik tadbirlar o‘tkaziladi.

Tashrif narxi — soatiga 25 ming so‘mdan oyiga 1,3 mln so‘mgacha. Kunlik tarif — 80 ming so‘m, haftalik — 400 ming so‘m. Kovorking har kuni 8:00 dan 23:00 gacha dam olish kunlarisiz ishlaydi.

Manzil va aloqa:
Aloqa telefoni: +998 99 140 5599
Manzil: Alisher Navoiy ko‘chasi, 11A

kovorking, kovorking markazi

Foto: Shake&Pear