Zoom’ning asoschisi va bosh direktori Erik Yuan sun’iy intellekt yordamchilari ish haftasini qisqartirish imkonini berishini ta’kidlamoqda.
27-oktabr kuni TechCrunch Disrupt 2025 anjumanida so‘zga chiqqan Yuan o‘zining videokonferensiya mahsulotida sun’iy intellektdan foydalanish haqida gapirdi.
U, jumladan, sun’iy intellekt avatari sizning o‘rningizga gapira oladigan “raqamli egizak” funksiyasini ham tilga oldi.
Yuan bu yil investorlar bilan telefon konferensiyasida o‘zining sun’iy intellekt avataridan foydalanishni boshladi va texnologiyaning salohiyatini va uning “muloqot chegaralarini” kengaytirish qobiliyatini namoyish etdi, dedi u.
Disrupt rahbari sun’iy intellekt va bozorga olib chiqilishi kerak bo‘lgan mahsulotlar muhokamasiga ko‘p vaqt ajratish kerakligini ta’kidladi.
U nimaga sarmoya kiritayotgani haqidagi savolga “sun'iy intellekt, sun’iy intellekt va yana sun’iy intellekt” deb javob berdi.
Bu texnologiya Zoom’da ko‘p soatlik strategik yig‘ilishlar mavzusiga aylangan, chunki kompaniya uning ishni tubdan o‘zgartirish salohiyatiga ishonadi.
Yuan, shuningdek, sun’iy intellekt hamrohlaridan videokonferensiyalarda suhbatdosh o‘rnini bosuvchi sifatida foydalanishdan tashqari, ulardan foydalanishning ko‘plab boshqa variantlari mavjudligini taklif qildi.
U kelajakda ikkita kompaniya rahbari Zoom orqali shartnoma tuzish bo‘yicha muzokaralar olib borishi mumkin bo‘lgan ssenariyni taklif qildi.
Yuanning so‘zlariga ko‘ra, ular telefon orqali uzoq suhbatlashish o‘rniga, avval raqamli egizaklarini reja ustida birgalikda ishlash uchun yuborishlari mumkin.
U, shuningdek, sun’iy intellektning elektron pochta bilan ishlashda qanday yordam bera olishi haqida gapirdi. Uning aytishicha, sun’iy intellekt xabarlaringizni tekshirib, qaysi xabarlar muhim va javob talab qilishini tushunishingizga ko‘maklashishi mumkin.
Avvalroq Ilon Mask sun’iy intellekt sabab yaqinda odamlarning ishlashiga hojat qolmasligi haqida aytgandi.
Tesla kompaniyasi asoschisining aytishicha, yaqin kelajakda sun’iy intellekt va robotlar barcha ish o‘rinlarini egallaydi.
