16-fevral kuni Toshkentda mahalliy antidron tizimlari ishlab chiqaruvchisi — Electronic Autonomous Solutions (EAS) tomonidan tashkil etilgan yopiq texnologik forum o‘tkazildi. InterContinental Tashkent mehmonxonasida bo‘lib o‘tgan tadbirda 250 dan ortiq ishtirokchi, jumladan, diplomatik korpus va davlat korporatsiyalarining top-menejmenti rahbarlari qatnashdi. Forumning asosiy natijasi 2024−2025-yillardagi real tahdidlarni tahlil qilish asosida yaratilgan yangilangan himoya ekotizimining taqdimoti bo‘ldi.
O‘zbekiston bozori uchun EAS loyihasi yuqori texnologiyali segmentda import o‘rnini bosishning namunasi hisoblanadi. 2022-yilda tashkil etilgan kompaniya qisqa vaqt ichida birinchi prototiplardan tortib portativ, statsionar va mobil uchuvchisiz uchish apparatlariga qarshi tizimlarni seriyali ishlab chiqarishgacha bo‘lgan yo‘lni bosib o‘tdi.
Inson kapitali va mutaxassislarning qaytishi
EAS biznes modelining asosi — o‘z ilmiy-tadqiqot va tajriba-konstruktorlik ishlariga e’tibor qaratish. Bugungi kunda kompaniya shtatida 70 ga yaqin mutaxassis ishlaydi, ularning aksariyati texnik xodimlardir. Rahbariyat xalqaro tajribaga ega kadrlarni jalb etishga alohida e’tibor qaratmoqda.
“Bugungi kunda jamoamizda AQShdan O‘zbekistonga qaytgan mutaxassislar ishlamoqda. Xorijiy texnologik kompaniyalarda ishlayotgan yurtdoshlarimizni olib kelib, ularga o‘z yurtimizda sharoit yaratib berishni maqsad qilganmiz. Bu global rivojlanish standartlarini mahalliy mahsulotga integratsiya qilish imkonini beradi”, — dedi EAS bosh direktori Azizbek Ubaydullayev.
Qaror qabul qilishda avtomatlashtirish va SI
Yangi EAS Dome tizimining texnologik yadrosi ilgari katta inson resurslarini talab qilgan jarayonlarni avtomatlashtirishga asoslangan.
EAS Dome yechimi sensorlardan keladigan ma’lumotlarni tahlil qilishda sun’iy intellektni joriy etishni nazarda tutadi. Tizim to‘rt bosqichli algoritmdan foydalanadi: radiochastotali skanerlash, radar bilan tasdiqlash, vizual kuzatib borish va sun’iy intellekt yordamida nishonni tasniflash. Faqat obyekt to‘liq identifikatsiyalangandan so‘ng, tizim neytrallash ssenariylarini taklif qiladi — radioelektron bostirishdan tortib, avtomatik koordinatalar bo‘yicha ishlaydigan FPV ushlagichlaridan foydalanishgacha.
EAS texnik direktori Behzod Sulaymonov nima uchun sun’iy intellektni joriy etish xavfsizlik sanoati uchun juda muhim ekanligini tushuntirdi.
“Bugungi kunda turli sensorlardan kelayotgan ma’lumotlar shunchalik ko‘pki, ularni tezkor qayta ishlash uchun inson resurslari yetarli emas. Biz qaror qabul qilishni osonlashtirish uchun boshqaruv va nazorat tizimiga sun’iy intellektni joriy qildik. Bizning vazifamiz axborot oqimini tahlil qiladigan va mas’ullar uchun tayyor javob ssenariylarini tayyorlaydigan tizimni yaratishdan iborat”, — dedi Behzod Sulaymonov.
C2 va C4 standartlari: Havo bo‘shlig‘ini to‘liq nazorat qilish arxitekturasi
Taqdimotda C2 va C4 standartlarini joriy etishga alohida e’tibor qaratildi. Bu tizimlar barcha himoya vositalarini yagona raqamli tarmoqqa birlashtirib, yuqori texnologiyali datchiklar to‘plamini osmonni boshqarishning qudratli intellektual ekotizimiga aylantirgan holda havo hududini to‘liq nazorat qilish imkoniyatini beradi.
Agar C2 (Command and Control) protokollari yagona operatsion manzarani shakllantirib, himoya resurslari o‘rtasida vazifalarni avtomatik taqsimlasa, C4 (Communications and Computers) arxitekturasi tezkor ma’lumot almashinuvi va ulkan hisoblash quvvatlari uchun asos yaratadi. Bunday yondashuv shtab, mobil guruhlar va avtonom modullar ishini real vaqt rejimida sinxronlashtirish orqali havo hududini to‘liq nazorat qilish imkonini beradi.
C4 — jarayonning boshlang‘ich nuqtasi hisoblanadi. Keyingi bosqich esa sun’iy intellektga asoslangan qaror qabul qilishni qo‘llab-quvvatlash tizimini joriy etishdan iborat. Kompaniya oddiy monitoringdan boshqaruvning intellektual, prognozlovchi va tavsiyaviy modeliga o‘tmoqda. Bugun EAS C4 arxitekturasini yaratayotgan bo‘lsa, ertaga sun’iy intellektga tayanadigan to‘liq raqamli xavfsizlik ekotizimini shakllantiradi.
Biznes strategiyasi va global maqsadlar
Forum davomida kompaniya 2026-yilda xalqaro bozorga chiqish bo‘yicha strategik maqsadini rasman e’lon qildi. Mahalliy ishlab chiqaruvchining asosiy ustunligi moslashuvchan tizim arxitekturasida: ular mijozning mavjud xavfsizlik infratuzilmasiga oson ulanadi hamda ekstremal iqlim sharoitlariga moslashgan bo‘lib, to‘liq mustaqil quvvat manbai va himoyalangan korpusga ega.
Forum mutaxassislari eksport faoliyatiga o‘tishni mintaqaning texnologik yetukligini tasdiqlashning mantiqiy bosqichi sifatida baholamoqda. Uchuvchisiz uchish apparatlarini aniqlash va zararsizlantirish tizimlarini ishlab chiqish bo‘yicha o‘z maktabiga ega bo‘lish O‘zbekistonga xorijiy yetkazib beruvchilarga qaram bo‘lmaslik va havo makonida xavfsizlik standartlarini mustaqil ravishda shakllantirish imkonini beradi. Bugungi kunda bu iqtisodiyotning uzoq muddatli barqarorligi va texnologik mustaqilligini ta’minlashning zaruriy shartiga aylanmoqda.
Sayt: eascompany.uz
Instagram: @eascompany.uz
Reklama huquqlari asosida.
