Yangi mehmonxonalar bahorda ochilishi kutilmoqda va Toshkent, Samarqand hamda Buxoroda mehmonxona bozorining barcha segmentlarida Accor`ning mamlakatdagi tobora kengayib borayotgan ishtirokini yanada mustahkamlaydi.
“O‘zbekiston nafaqat tez rivojlanayotgan sayyohlik yo‘nalishi, balki mintaqadagi o‘sish strategiyamizning muhim qismidir. Ushbu uchta noyob mehmonxonaning rejalashtirilgan ochilishi Toshkentda turli va madaniy jihatdan mos mehmondo‘stlik muhitini rivojlantirishga bo‘lgan intilishimizni aks ettiradi. Mahalliy madaniyatdan ilhomlangan Mercure brendi, gastronomiyaga yo‘naltirilgan Mövenpick konsepsiyasi va ibis`ning qulay hamda dinamik konsepsiyasini poytaxtning yangi hududlarida taqdim etish orqali biz ham biznes sayohatchilar, ham dam olish uchun keluvchi mehmonlar uchun mehmonxona infratuzilmasini yanada rivojlantirmoqdamiz”, — dedi Aron Libinson, Accor Premium, Midscale & Economy bo‘yicha Gruziya va MDH mamlakatlari, Yevropa hamda Shimoliy Afrika mintaqasida operatsion faoliyat bo‘yicha vitse-prezidenti.
Mercure Tashkent North Mirobod tumani Temiryo‘lchilar ko‘chasida ochiladigan birinchi xalqaro brend mehmonxonaga aylanadi. Unda 122 ta xona bo‘ladi, jumladan, shaxsiy terassaga ega penthaus lyuks ham mavjud. Mehmonlar uchun turli gastronomik maskanlar taqdim etiladi: zamonaviy o‘zbek va Yevropa taomlarini taklif etuvchi Silk Emerald restorani, Ruby speakeasy bari hamda fransuz uslubidagi Gauge Café. Shuningdek, mehmonlar turk hammomi, fin saunasi va ikki basseynni o‘z ichiga olgan spa xizmatlaridan ham foydalanishlari mumkin.
Mövenpick Tashkent Old City shaharning tarixiy va zamonaviy qismlari kesishgan joyda, Chorsu bozori yaqinida joylashgan. Mehmonxona 120 ta xonani taklif etadi va o‘zbek mehmondo‘stligi an’analarini zamonaviy qulayliklar bilan uyg‘unlashtiradi. Bu yerda gastronomiyaga alohida e’tibor qaratilgan: Silk and Spice restoranidan tortib nafis Lobby Bar`gacha, bu yerda mehmonlar brendning mashhur Chocolate Hour an’anasidan bahramand bo‘lishlari mumkin. Mehmonxonadagi umumiy tajribani yopiq basseyn, saunalar va muolaja xonalariga ega Helvetia Spa & Wellness Centre to‘ldiradi.
ibis Tashkent Index Yangihayot tumanidagi INDEX Business Park hududida joylashgan bo‘lib, 120 ta zamonaviy xonani taklif etadi. Mehmonxona ijtimoiy markaz sifatida xizmat qiladi: bu yerda Yevropa va milliy taomlarni taklif etuvchi MAADU restorani hamda zamonaviy loft uslubidagi WELL Bar mavjud. Mehmonlar uchun aeroportga qulay kirish va bepul avtoturargoh ham taqdim etiladi.
O‘zbekistondagi va dunyoning boshqa mamlakatlaridagi Accor mehmonxonalari ALL Accor sodiqlik dasturida ishtirok etadi. Bu bron qilish platformasi bo‘lib, turli mukofotlar, xizmatlar va tajribalardan foydalanish imkonini beradi. Dastur a’zolari mehmonxonada yashash davomida ball to‘plashlari va ularni mehmonxonalarda yoki ularning tashqarisida noyob tajribalar uchun ishlatishlari mumkin.
Accor haqida
Accor dunyoning yetakchi mehmonxona kompaniyalaridan biri bo‘lib, 110 dan ortiq mamlakatda xizmat ko‘rsatadi. Kompaniya portfeli 5800 dan ortiq mehmonxona va kurortlar, 10 000 bar va restoranlar, wellness infratuzilmasi hamda moslashuvchan ish joylarini o‘z ichiga oladi. Guruh mehmondo‘stlik sanoatidagi eng xilma-xil ekotizimlardan biriga ega bo‘lib, hashamatli segmentdan iqtisodiy segmentgacha bo‘lgan qariyb 45 ta mehmonxona brendlarini, shuningdek Ennismore bilan hamkorlikda rivojlantirilayotgan lifestyle brendlarini birlashtiradi.
ALL Accor bu bron qilish platformasi va sodiqlik dasturi bo‘lib, mehmonlarga mehmonxonada yashash vaqtida ham, undan tashqarida ham noyob tajribalar imkoniyatini taqdim etadi.
Accor biznes etikasi, mas’uliyatli turizm, ekologik barqarorlik, mahalliy hamjamiyatlar bilan hamkorlik, shuningdek xilma-xillik va inklyuzivlik tamoyillariga alohida e’tibor qaratadi. Kompaniyaning missiyasi uning asosiy maqsadida aks etgan: mas’uliyatli mehmondo‘stlik san’atini rivojlantirish, madaniyatlarni bog‘lash va mehmonlarga chin dildan g‘amxo‘rlik ko‘rsatish.
1967-yilda tashkil etilgan Accor SA kompaniyasining bosh qarorgohi Fransiyada joylashgan. Guruh CAC 40 indeksiga kiradi va Euronext Paris fond birjasida (ISIN kodi: FR0000120), shuningdek AQShdagi OTC bozorida (ticker: ACCYY) ommaviy savdoga qo‘yilgan.
Sayt: group.accor.com
Facebook: fb.com/Accor
Instagram: @accor
X: @accor
LinkedIn: linkedin.com/accor
Reklama huquqlari asosida.
