2025-yilda umumiy ovqatlanish korxonalari tomonidan 1,7 trln so‘mdan ortiq soliq to‘langan. Bu haqda Soliq qo‘mitasi xabar berdi.
Shundan 335,5 mlrd so‘mi, ya’ni 19,6%i 20 ta korxona hissasiga to‘g‘ri keladi. Ularning jami tovar aylanmasi 4,7 trln so‘mni, soliq imtiyozlari esa 46,3 mlrd so‘mni tashkil etdi.
Yanvar-dekabr oylarida eng ko‘p soliq to‘lagan umumiy ovqatlanish korxonasi KFC tarmog‘ining O‘zbekistondagi franshizasi — International Foodchain bo‘ldi. Korxona tomonidan 89,5 mlrd so‘m soliq to‘langan.
Ikkinchi o‘rinda Mak Food Servis — Evos brendi turibdi. Kompaniya 69 mlrd so‘m soliq to‘ladi. Kuchli uchlikni 40,4 mlrd so‘m bilan Uzbekistan Airways aviakompaniyasining umumiy ovqatlanish sho‘ba korxonasi Ketring yakunlab berdi.
Quyida 20 ta umumiy ovqatlanish korxonalari tomonidan to‘langan soliqlar ko‘rsatilgan:
| Kompaniya nomi | To‘langan soliqlar, mlrd so‘mda |
| International Foodchain (KFC) | 89,5 |
| Mak Food Servis (Evos) | 69 |
| Ketring | 40,4 |
| Oqtepa Food Service | 38,7 |
| Good Food Catering | 9 |
| Feedup Eco | 8,1 |
| Savdo | 7,5 |
| PJ Eastern Group | 7,3 |
| Bellissimo Pizza International | 7,1 |
| Maxway Food | 6,8 |
| French Pastry | 6,5 |
| MOB Group | 6,4 |
| Vanilla Food | 5,9 |
| Chef Catering | 5,9 |
| Alfa Best | 5,9 |
| Wencaf | 4,8 |
| Real Business Trade | 4,5 |
| The Choyxona Group | 4,2 |
| Lambic | 4 |
| Dodo Pizza Tashkent | 4 |
Avvalroq Toshkentda noqonuniy umumiy ovqatlanish va savdo obyektlarini demontaj qilish davom etayotgani haqida xabar berilgandi.
SES belgilanmagan joylarda joylashgan va sanitariya talablarini buzayotgan savdo shoxobchalari faoliyatini to‘xtatadi.
