Navro‘z bayrami munosabati bilan Toshkentdan Samarqand va Buxoroga qo‘shimcha Afrosiyob poyezdlari qatnovi yo‘lga qo‘yiladi. Bu haqda Temiryo‘lekspress matbuot xizmati xabar berdi.
Jumladan, Toshkent-Buxoro-Toshkent yo‘nalishida poyezdlar 19, 23 va 24-mart kunlari qatnaydi.
Poyezd Toshkent markaziy vokzalidan soat 06:10 da (№778) jo‘nab ketadi, Buxorodan esa soat 18:08 da (№777) qaytadi.
Toshkent-Samarqand-Toshkent yo‘nalishida esa qo‘shimcha qatnovlar 20, 21 va 22-mart kunlariga belgilangan.
Poyezd Samarqanddan soat 10:55 da (№775), Toshkentdan esa soat 13:56 da (№776) harakatlanadi.
2026-yil 1-fevraldan Afrosiyob elektropoyezdlari chipta narxlari 15%ga oshirilgandi. Chipta narxlari quyidagicha:
| Yo‘nalish | Narxlar (so‘mda) | ||
| VIP | Biznes | Ekonom | |
| Toshkent-Samarqand | 709 ming | 455 ming | 311 ming |
| Toshkent-Qarshi | 976 ming | 642 ming | 429 ming |
| Toshkent-Buxoro | 1,13 mln | 760 ming | 509 ming |
Avvalroq Uzbekistan Airways Navro‘z va Ramazon Hayiti munosabati bilan 15% gacha chegirma e’lon qilgandi.
