Bellissimo Pizza Raqobatni rivojlantirish va iste’molchilar huquqlarini himoya qilish qo‘mitasi tomonidan “Iste'molchilar huquqlarini ta’minlash bo‘yicha eng yaxshi korxona” tanlovida “Umumiy ovqatlanish” va “Iste'molchilar ishonchi” yo‘nalishlari bo‘yicha birinchi o‘rin g‘olibi deb topildi.
Bellissimo Pizza marketing bo‘yicha direktori Anna Sapunovaning so‘zlariga ko‘ra, restoran biznesida ishonch xizmat ko‘rsatishning barqarorligi orqali shakllanadi.
“Inson buyurtma berayotganda natijaga amin bo‘lishi kerak: pitsa qaynoqqina kelishi, ta’mi o‘zi sevganidek bo‘lishi, kuryer esa eshikni 35 daqiqadan oldinroq taqillatishi lozim. Agar mehmonlar bizni takror tanlayotgan bo‘lsa, demak tizim ishlayapti”, — dedi Anna Sapunova.
Mehmonlar bilan ishlash bo‘limi rahbari Islom Mirzaliyevning ta’kidlashicha, kompaniya har oy ilova, agregatorlar, sayt va qo‘ng‘iroqlar markazi orqali 40 mingga yaqin fikrlar qabul qiladi. Bunda murojaatlarning 77% qismi minnatdorchiliklardan iborat bo‘lib, birinchi javob qaytarish vaqti o‘rtacha ikki daqiqani, murojaatni to‘liq hal etish esa o‘rtacha 9,5 daqiqani tashkil etadi. Hatto salbiy tajribadan so‘ng ham mehmonlarning qariyb 60% qismi yana qaytib keladi, kompaniya buni ishonchning asosiy ko‘rsatkichi deb hisoblaydi.
Xizmat ko‘rsatish darajasini barqaror ushlab turish uchun Bellissimo Pizza muntazam ravishda mijozlar tajribasini o‘rganadi, NPS darajasini o‘lchaydi va “maxfiy xaridor” tekshiruvlarini o‘tkazadi. Restoranlarda har oy o‘rtacha 500 ta tekshiruv o‘tkaziladi, bu esa xizmat ko‘rsatish sifatini xolisona baholash imkonini beradi. Kompaniya jamoasi aynan mana shunday tizimli ish brendning asosiy aktivi — mehmonlar ishonchini shakllantirishini ta’kidlab keladi.
Reklama huquqlari asosida.
