Yaponiyaning Hitachi va Mitsui OSK Lines (MOL) kompaniyalari foydalanilgan kemalarni suzuvchi ma’lumotlar markazlariga aylantirishga qaror qildi.
Loyihaning taxminiy ishga tushirilish muddati — 2027-yil. U birinchi navbatda Yaponiyada, so‘ngra Malayziya va AQSHda yo‘lga qo‘yiladi.
Generativ sun’iy intellekt uchun hisoblash quvvatlariga bo‘lgan talab jadal sur’atlarda o‘sib bormoqda, biroq quruqlikdagi ma’lumotlar markazlarini qurish uchta asosiy muammoga duch kelmoqda:
- Yer — yirik shaharlar atrofidagi yer uchastkalari qimmatlashmoqda, qurilish uchun ruxsatnoma olish esa tobora qiyinlashib bormoqda;
- Sovutish — quvvatli serverlar suv bilan sovutishni talab etadi, biroq AQSHning ayrim hududlarida ichimlik suvi tanqisligi sababli aholi bilan ziddiyatlar yuzaga kelmoqda;
- Muddatlar — yirik yerusti ma’lumotlar markazining qurilishi 3−4 yil vaqt olishi mumkin.
Shuningdek, suzuvchi ma’lumotlar markazi bir vaqtning o‘zida uchta muammoni hal qiladi va bir qator texnologik va iqtisodiy afzalliklarni beradi.
Yer uchun xarajatlarning yo‘qligi — kema portda yoki reydda to‘xtaydi, uchastkani sotib olish yoki ijaraga olish talab qilinmaydi.
Tabiiy sovitish — issiqlikni olib ketish uchun dengiz yoki daryo suvidan foydalanish. Bu energiya sarfi va ekspluatatsiya xarajatlarini kamaytiradi, shuningdek, chuchuk suv uchun nizolarni bartaraf etadi.
Mobillik — talab o‘zgarganda yoki texnik xizmat ko‘rsatish uchun kemani boshqa portga ko‘chirish va kemadan qayta foydalanish orqali ekologik izni kamaytirish mumkin.
Avvalroq ChatGPT ko‘plab kasb egalarining o‘rnini egallashga tayyorlanayotgani haqida xabar berilgandi.
Hozirda 4000 ga yaqin frilanser tizimga chorvachilik, qishloq xo‘jaligi, musiqa bastalash va hatto tijorat aviatsiyasi kabi tor ixtisoslik sohalarida yanada chuqurlashishga yordam bermoqda.
