Chilonzor tumanida barpo etilayotgan muz saroyi 1, 5 trillion so’mga baholanmoqda. Bu haqda Vazirlar mahkamasining “Toshkent shahrini infratuzilmaviy rivojlantirishga to‘g‘ridan-to‘g‘ri xorijiy investitsiyalarni jalb qilishga doir qo‘shimcha chora-tadbirlar to‘g‘risida"gi qarorida keltirilgan.
Chilonzor tumanida barpo etilayotgan loyihani “Wind Rose” kompaniyasi amalga oshirmoqda.
Loyiha umumiy qiymati 1,5 trillion so’m, shundan 185,0 million $ xorijiy investitsiyalar hisoblanadi.
Shuningdek, qarorda xorijiy investitsiyalar ishtirokida Toshkent shahrida amalga oshiriladigan 57 ta loyiha keltirilgan, ular orasida:
- mehmonxonalar;
- savdo markazlari;
- avtoturargohlar;
- biznes markazlar;
- turar-joy majmualari;
- zargarlik buyumlari ishlab chiqarish;
- kasalxona;
- tibbiy markazlar;
- IT, astronomiya va aeronavtika, shuningdek madaniyat va istirohat bog’lari barpo etilishi o’rin olgan.