“Tusi oʻzgartirilgan (qoraytirilgan) oynali avtotransport vositalaridan foydalanish tartibini takomillashtirish boʻyicha qoʻshimcha chora-tadbirlar toʻgʻrisida"gi Hukumat qarori (465-son, 28.07.2021-y.) qabul qilindi.

Qarorga koʻra, 2021-yil 1-oktabrdan avtotransportlar oynalarining tusini oʻzgartirishga ruxsatnoma berish boʻyicha davlat xizmati faqat Yagona inreraktiv davlat xizmatlari portali (YAIDXP) orqali koʻrsatiladi.

Qoraytirish ishlari avtotransport vositasi egasi tomonidan mustaqil ravishda amalga oshiriladi.

Avtotransport orqa oynasining tusini yorugʻlik oʻtkazuvchanligi cheklanmagan darajada oʻzgartirish, shuningdek, old oynasining tepa qismi tusini 14 sm dan koʻp boʻlmagan polosa shaklida yorugʻlik oʻtkazuvchanligi cheklanmagan darajada oʻzgartirish uchun ruxsatnoma talab etilmaydi.

Ruxsatnoma 1 yil muddatga beriladi. Ariza beruvchi tomonidan ruxsatnoma uchun toʻlov 10 kun muddatda amalga oshiriladi.

Ruxsatnoma avval berilgan ruxsatnomaning amal qilish muddatigacha qayta rasmiylashtiriladi. YAIDXP orqali ruxsatnomani qayta rasmiylashtirish boʻyicha davlat xizmati koʻrsatilgani uchun toʻlov undirilmaydi.

Bu to’g’risidagi qonun hujjati joriy yilning fevral oyida muhokamaga qo’yilgan edi.

"Spot.uz"da reklama