Tesla’ning ayrim xodimlari milliarder Ilon Maskdan rasman iste’foga chiqishni so‘rashdi, chunki uning “siyosiy faolligi” kompaniyaga ko‘plab muammolar keltirib chiqarmoqda.
Ularning fikricha, bosh direktorning xatti-harakatlari brendning asosiy maqsadi — elektr transport vositalarining rivojlanishini tezlashtirishga to‘g‘ridan-to‘g‘ri xavf solmoqda, iste’molchilarning aksariyatini o‘zidan uzoqlashtirmoqda va avtomobillarning o‘zini siyosiylashtirmoqda.
“Ilonning shaxsiy brendiga yetkazilgan zarar endi tiklanmaydi. Teѕlaning jamoat arbobi sifatida bu bizga og‘irlik qiladi. Hozir biz chorrahada turibmiz: Mask bilan bosh direktor sifatida ishlashni davom ettirish va keyingi tanazzulga duch kelish yoki usiz oldinga siljish”, — deydi Teslaning sobiq va hozirgi anonim xodimlari.
Bir guruh xodimlarning fikricha, Maskning faoliyati Teslaga allaqachon tuzatib bo‘lmas zarar yetkazgan. 2024-yilda elektromobillar savdosi o‘n yil ichida birinchi marta pasaygan, 2025-yilning birinchi choragida esa bu pasayish yanada sezilarli tus olgan.
Kompaniya milliarderning ta’sirini inkor etib, aybni yangi Model Y’ga to‘nkamoqchi — ammo muammo unda emasligi aniq. Xodimlarning aytishicha, minglab yangi avtomobillar omborlarda chang bosib yotibdi.
Ilon Maskning yaqinda Tesla bilan bo‘lgan telefon konferensiyasida aytgan so‘zlari ham vaziyatni yanada murakkablashtirdi. Unda milliarder shunchaki “o‘zgartirib”, siyosiy kampaniyaga kamroq vaqt ajratishini ta’kidladi.
Bu gaplari bilan u so‘nggi olti oydagi qiyinchiliklar o‘zining ommaviy axborot vositalaridagi faoliyati tufayli emas, balki e’tiborining yetishmasligi sababli yuzaga kelganini nazarda tutmoqda.
Avvalroq Spot Tesla Ilon Mask o‘rniga yangi bosh direktor izlayotgani haqida yozgandi.
Bu investorlarning kompaniya aksiyalari pasayishi va Maskning AQSh prezidenti ma’muriyatida ko‘p vaqt sarflaganidan noroziligi fonida sodir bo‘ldi.
