Ramazon oyi davomida Uzum kartasi orqali to‘langan har bir buyurtma uchun 1 000 so‘m “Taskin” xospisiga yo‘naltiriladi, shunda har bir xizmat foydalanuvchisi xayriya loyihasini qo‘llab-quvvatlashi mumkin. Xayriya miqdori foydalanuvchining buyurtmasi narxiga ta’sir qilmaydi — barcha xarajatlarni Uzum xizmatlari o‘z zimmasiga oladi.
“Ramazon oyida xayrli ishlar uchun birlashish muhim. Biz yordamga muhtoj bolalarni qo‘llab-quvvatlash imkoniyatini har bir foydalanuvchiga berishga intilamiz. Ko‘pchilikning kichik hissasi sezilarli qo‘llab-quvvatlashga aylanadi. Xospisga o‘tkazilgan barcha mablag‘lar yosh bemorlarning yashash sharoitlarini yaxshilash va ularning oilalariga yordam berishga yo‘naltiriladi”, — deydi Uzum Tezkor boshqaruvchi direktori Andrey Kovakin.
Uzum Tezkor ilovada qoldirilgan naqd pulsiz choychaqalarni ham ikki barobar oshiradi. Foydalanuvchilar buyurtmani qabul qilgandan so‘ng, ilovada mavjud bo‘lgan karta yoki boshqa qulay usul orqali choychaqa qoldirib, kuryerga minnatdorchilik bildirishlari mumkin. Kuryer choychaqa haqida darhol xabarnoma oladi. Bundan tashqari, iftorlik paytida smena boshlanish nuqtalarida ro‘za tutishni osonlashtirish uchun kuryerlarga xurmo va suv beriladi.
“Bu oyda kuryerlar bizning qo‘llab-quvvatlashimizni his qilishlari ayniqsa muhim. Har bir iliq so‘z, iftorlik paytida uzatilgan suv yoki oddiy minnatdorchilik ularga ishlash va hayotimizni yanada qulayroq qilish uchun kuch bag‘ishlaydi”, — dedi Uzum Tezkor kuryerlarni jalb qilish va ushlab turish yo‘nalishi rahbari Marina Korotayeva.
Uzum Tezkor — O‘zbekistonning 26 shahrida faoliyat yurituvchi milliy taomlar va tovarlarni yetkazib berish xizmati. Xizmat 7 000 dan ortiq kuryerlar bilan hamkorlik qiladi, ular 3 100 ta restoran va do‘konlardan — yirik tarmoqlardan tortib mahalliy muassasalargacha buyurtmalarni yetkazib berishadi.
Uzum Bank — O‘zbekistonning raqamli chakana banki. Bank mobil ilovasi orqali 4,5 mlndan ortiq mijozlarga kundalik moliyaviy xizmatlarning to‘liq spektrini taqdim etadi. Uzum Bank o‘zining texnologik va protsessing infratuzilmasini rivojlantirmoqda, bu esa yuqori operatsion samaradorlikni va yangi mahsulotlarni bozorga tez chiqarishni ta’minlaydi.
Reklama huquqlari asosida.
