Rossiya 5-oktyabrdan boshlab Oʻzbekiston shaharlariga muntazam qatnovlar sonini ikki taraflama asosda koʻpaytiradi. Bu haqda mamlakatning koronavirus tarqalishiga qarshi kurash boʻyicha tezkor shtabi maʼlumotida aytilgan.
Xususan, quyidagi yoʻnalishlar boʻyicha reyslar yoʻlga qoʻyiladi:
- “Moskva — Toshkent” — haftasiga 4 tagacha reys;
- “Moskva — Buxoro” — haftasiga 2 ta reys;
- “Moskva — Urganch” — haftasiga 1 ta reys;
- “Moskva — Samarqand” — haftasiga 2 ta reys;
- “Moskva — Namangan” — haftasiga 1 ta reys;
- “Moskva — Fargʻona” — haftasiga 1 ta reys;
- “Moskva — Andijon” — haftasiga 1 ta reys;
- “Moskva — Termiz” — haftasiga 1 ta reys.
Bu faqat Rossiya aviakompaniyalarining reyslari, Oʻzbekiston tomoni ham shuncha parvozlarni amalga oshirish imkoniyatiga ega.
Bundan tashqari, operativ shtab xalqaro parvozlar tiklangan Rossiya aeroportlaridan har bir yoʻnalish boʻyicha haftasiga 1 marta Oʻzbekistonning yuqoridagi shaharlariga muntazam parvozlarni amalga oshirishga ruxsat berdi.