“Uzbekistan Airways” bahorda Dogʻiston poytaxti Maxachqalʼaga muntazam qatnovni yoʻlga qoʻyadi. Bu haqda Oʻzbekistonning Rostov-Dondagi bosh konsuli Rustam Qoʻrgʻonboyevga tayanib, “TASS” xabar berdi.
Diplomatning qayd etishicha, parvozlarni tashkil etish Oʻzbekistonga ziyorat (ziyorat) turizmi sohasini rivojlantirishga yordam beradi.
“Oʻzbekiston va Rossiya oʻrtasida oʻzaro manfaatdorlik va almashinuv boʻlishi kerak, toki oʻzbeklar sizga, siz esa bizga keling”, — deya qoʻshib qoʻydi Qoʻrgʻonboyev, ruslarni Samarqand, Buxoro va Xivaga taklif qilib.
Rossiyaning asosan musulmonlar yashaydigan hududlari, jumladan Dogʻiston ham tashabbusga qiziqish bildirmoqda. 2021-yilda Oʻzbekiston tomoni Checheniston, Dogʻiston va Ingushetiya vakillariga ziyorat turizmi boʻyicha rejalarini taqdim etdi.
Qoʻrgʻonboyev Checheniston Respublikasini alohida taʼkidladi — u Grozniyda yangi aeroport qurilishi tugallangandan soʻng muntazam reyslarni yoʻlga qoʻyish boʻyicha ishlar qayta tiklanishiga ishonchi komil.
2021-yilda aviatashuvchi pandemiyadan tiklanishni boshladi. 2020-yilda 755 mlrd soʻmlik zarardan keyin qariyb 45 mlrd soʻm foyda koʻrilgani buning dalilidir.
Avvalroq Spot Uzbekistan Airways Krasnodar va Rostov-Donga qoʻshimcha reyslarni yoʻlga qoʻyishi haqida yozgan edi.
