WhatsApp messenjeri Android operatsion tizimi uchun yangi funksiya — spamerlar va firibgarlarning qo‘ng‘iroqlarini blokirovka qilishni sinovdan o‘tkazishni boshladi.
Funksiya o‘tkazib yuborilgan qo‘ng‘iroqlar haqida ma’lumot to‘playdi, lekin foydalanuvchining o‘zi ularni eshitmaydi. Qo‘ng‘iroq qiluvchi bloklanadi, lekin u bu haqda bilmaydi.
2022-yilning yanvaridan iyuniga qadar Rossiyada firibgarlarning qo‘ng‘iroqlari soni o‘n baravarga oshdi.
“Informzashita” xabariga ko‘ra, bunday harakatlarning eng katta o‘sishi Boltiqbo‘yi mamlakatlari, Germaniya va Polshada kuzatilmoqda.
Mart oyida “The Washington Post” gazetasi AQShda soxta qo‘ng‘iroqlar soni ortgani haqida xabar bergan edi.
Ba’zi spamerlar qurbonning do’stlari va qarindoshlarining ovozini soxtalashtirish uchun sun’iy intellektdan foydalanadilar.
Dekabr oyida Roskomnadzor telefon firibgarlariga qarshi kurash tizimini ishga tushirdi, o‘sha paytda unga “MegaFon”, “MTC” va “VimpelCom” yirik uyali aloqa operatorlari qo‘shildi.
Rossiya Raqamli rivojlanish vazirligining kiberxavfsizlik departamenti direktori Vladimir Bengin 65−85% hollarda bank mijozlari WhatsApp orqali firibgarlardan qo‘ng‘iroqlarni qabul qilishini va qo‘ng‘iroq messenjer orqali amalga oshirilayotganini sezmasliklarini ma’lum qildi.
Avvalroq “Spot” onlayn firibgarlikning besh turi va ularni qanday aniqlash mumkinligi haqida yozgandi.
