Rossiya iqtisodiy rivojlanish vaziri Maksim Reshetnikov mehnat muhojirlarini iqtisodiyotga faolroq jalb etishga chaqirdi, deya xabar berdi “Kommersant” nashri.
Hududlar ijtimoiy innovatsiyalari forumining yalpi majlisida Iqtisodiy rivojlanish vazirligi rahbari ishsizlik darajasi 3%ni tashkil etgan noodatiy darajada pastligini bildirdi. U Rossiya iqtisodiyotidagi eng kam resurs bu inson kapitali ekanini qayd etgan.
Kadrlar va mutaxassislarning yetishmasligi muammosi miqdoriy va sifat darajasida mavjud. Bu iqtisodiyotning rivojlanishini sekinlashtiradi hamda ish haqining oshib ketishiga yordam beradi.
Kadrlar etishmasligi muammosini hal qilish uchun Reshetnikov mehnat unumdorligini oshirish va mehnat muhojirlarini Rossiya iqtisodiyotiga faolroq jalb qilish bo‘yicha milliy loyihani kengaytirishni taklif qildi.
“Biz migratsiya muammosini hal qilishimiz kerak. Yevroosiyo iqtisodiy makonida joylashganmiz, bizda ochiq mehnat bozori mavjud. Va, albatta, so‘nggi bir yarim yildagi qiyinchiliklar aholining katta oqimi borligini ko‘rsatdi”, — dedi u.
Shuningdek, vazir Markaziy Osiyoga ham e’tibor qaratdi, bu esa ishchi qo‘llari ko‘p bo‘lgan o‘sib borayotgan mintaqadir. Biroq, Rossiya Markaziy Osiyo ishchi kuchi uchun Xitoy, Janubi-Sharqiy Osiyo va boshqa mamlakatlar bilan raqobatlashishi kerak.
“Biz hozir u yerdagi rus maktablariga faol sarmoya kiritmoqdamiz. Lekin bularning barchasini qo‘shni davlatlarning eng yaxshi iste’dodlarini bu yerda qoldirish uchun ongli siyosatga aylantirish kerak, chunki bu ishchilar samarali, iqtisodiyot ularga kerak”, — deya xulosa qildi vazir.
Avgust oyida Rossiyada chet ellik ishchilar uchun patent qiymati bo‘yicha qat’iy belgilangan avans miqdorini 4 barobar oshirish taklifi bildirilgandi.
Loyiha tashabbuskorlari uning zarurligini mehnat bozorida va bandlik sohasida rossiyaliklarning qo‘llab-quvvatlashi bilan izohladilar. Olingan mablag‘lar Rossiya fuqarolari o‘rtasidagi ishsizlikni kamaytirish va soya migratsiyasini cheklash uchun migratsiya nazoratini optimallashtirishga yo‘naltirilishi taklif etiladi.
Avvalroq mehnat muhojirlarining salmoqli qismi rublning qadrsizlanishi fonida Rossiyani tark etishi mumkinligi haqida xabar berilgandi.
