Telegram jamoasi messenjerning yangi yangilanishini e’lon qildi. Android va iOS uchun ilovalar 12.4 versiyasida foydalanuvchilarga taqdim etildi.
Asosiy yangiliklar orasida foydalanuvchilarga mavjud sovg‘alar asosida yangi sovg‘alar yaratish imkoniyati taqdim etildi. Bundan tashqari, ilova yangilangan interfeys va boshqa qo‘shimcha funksiyalarga ega bo‘ldi.
Keng ko‘lamli redizayn
Android uchun Telegramda interfeys dizayni to‘liq yangilandi — endi navigatsiya va qidiruv yanada tez va osonlashdi. Yangi pastki panel chatlar, sozlamalar, profil va boshqa bo‘limlar orasida darhol almashish imkonini beradi.
Android-dasturchilar dizaynni o‘zgartirdilar, shuningdek, interfeys kodini butunlay qayta ishlab chiqdilar — har qanday qurilmada ravon ishlashga erishish uchun.
Unumdorlikni oshirish va batareya quvvatini tejash uchun Sozlamalar > Quvvat tejash ruknida interfeys animatsiyalari va vizual effektlarini faolsizlantirish mumkin.
iOS ilovasiga “suyuq shisha” effektiga ega yanada ko‘proq elementlar qo‘shildi — o‘zgarishlar, jumladan, fotosuratlar va videolarni ko‘rish, stikerlar va emojilar panellari, shuningdek, profillar va xabarlardagi kontekst menyularga ta’sir qildi.
Guruhdan chiqishda huquqlarni o‘tkazish
Agar guruh egasi uni tark etsa, bir haftadan keyin barcha huquqlar avtomatik ravishda administratorlardan biriga o‘tkaziladi.
Endi guruhdan chiqishda tasdiqlash oynasi paydo bo‘ladi, unda egasi istasa, o‘ziga darhol almashtiruvchini tanlashi mumkin.
Guruh va kanal egalari o‘z huquqlarini istalgan paytda boshqa ishtirokchiga topshirishlari mumkin — buning uchun chatni tark etish shart emas.
Sovg‘alar yasash
Kolleksion sovg‘alar ishga tushirilgan kundan buyon Telegram foydalanuvchilari 100 dan ortiq to‘plamlardan millionlab sovg‘alarni noyob NFTlarga aylantirdilar.
Ushbu yangilanishda biz g‘ayrioddiy, nodir, epik yoki afsonaviy versiyalarni yaratish uchun mavjud kolleksiya sovg‘alarini birlashtirish imkonini beruvchi yasash mexanizmini taqdim etilmoqda — bu versiyalar o‘ziga xos bezaklar va effektlarga ega bo‘ladi.
Yangi modelni tayyorlash uchun 4 tagacha sovg‘adan foydalanish mumkin — har bir qo‘shimcha sovg‘a muvaffaqiyat ehtimolini oshiradi.
Bir xil xususiyatga ega bo‘lgan bir nechta sovg‘ani tanlash, yakuniy buyumda ham shu xususiyat paydo bo‘lish ehtimolini ko‘paytiradi.
Barcha xohlovchilar Telegramda sovg‘alarni xavfsiz xarid qilish va sotish uchun ichki marketpleysdan foydalanishlari mumkin.
Botlar uchun rangli tugmalar
Bot ishlab chiqaruvchilari endi interfeyslarni yanada tushunarli qilish yoki foydalanuvchi e’tiborini muayyan harakatlarga qaratish uchun tugmalarni rang va emojilar bilan bezashlari
Shuningdek, dasturchilar botdagi klaviatura tugmalarining turini tanlashlari mumkin, ularning har biri o‘z rangidan foydalanadi. Telegramning standart mavzularida tugmalar ko‘k, yashil yoki qizil rangda bo‘lishi mumkin.
