“Abu Dhabi Future Energy Company PJSC — Masdar” quvvati 100 ot kuchiga teng bo’lgan fotoelektr stansiyani qurish uchun tenderda g’olib bo’lgan edi.

Navoiydan 35 kilometr sharqda 268 gektar maydonni egallagan zavodning 300 ming dona fotoelektr panellari 2021-yilda O’zbekiston elektr tarmoqlarida ishlab chiqarilgan energiya yetkazib berishni boshlashi kerak. Bu haqda Spotga Jahon banki guruhi matbuot xizmati xabar berdi.

Xalqaro moliya korporatsiyasi (IFC) va Osiyo taraqqiyot banki loyihani moliyalashtirish uchun 60 million dollargacha mablag' ajratadi. Ushbu zavod O’zbekistondagi xususiy kompaniya tomonidan qurilgan va foydalaniladigan, birinchi yirik qayta tiklanadigan energiya inshooti bo’lishi kutilmoqda.

Zavod yiliga quyosh energiyasidan 270 gigavatt-soat elektr energiyasi ishlab chiqaradi, bu esa 31 mingdan ziyod xonadonni elektr energiyasi bilan ta’minlay oladi. Bundan tashqari, uning ishlashi yiliga 156 ming tonna issiqxona gazlari chiqindilarining oldini olishga imkon beradi.

Hozirda O’zbekiston elektr energiyasining 85 foizini issiqlik elektr stansiyalarida ishlab chiqaradi. Loyiha mamlakatdagi tabiiy gaz va ko’mirga bo’lgan ehtiyojni kamaytirib, qayta tiklanadigan energiya manbalaridan foydalanishni ko’paytiradi va elektr energiyasini ishlab chiqarishga hissa qo’shadi. Bu esa 2019 yilda 65000 GVtdan 2030 yilgacha 103000 GVt gacha o’sishi va butun mamlakat bo’ylab tez sur’atlarda o’sib borayotgan talabni qondirishi mumkin.

“O'zbekistondagi ilg’or amaliyot namunasiga aylanadigan loyiha ulkan ijobiy ta’sirga ega bo’ladi. Bu xususiy sarmoyalar uchun yangi bozorlarni ochadi va mamlakatning qayta tiklanadigan energiya ishlab chiqarishni ko’paytirish bo’yicha rejalarini amalga oshirishga yordam beradi”, — deydi XMKning Yevropa va Markaziy Osiyo bo’yicha direktori Vibke Shlyomer.

“Nur Navoiy Solar” MChJ loyihaviy kompaniya sifatida quyosh elektrostansiyasini quradi va keyinchalik boshqaruvni ham amalga oshiradi.

Masdar 25 yil davomida elektr energiyasini kilovatt-soatiga atigi 2,679 sentdan yetkazib berish majburiyatini oldi. Bu hozirgi kunda Markaziy Osiyodagi eng past quyosh tarifidir.