Ta’minot zanjirlarining barqarorligi va mahalliylashtirilishi Qozog‘iston va O‘zbekiston ta’minot sektorining asosiy manfaatlaridan biriga aylandi. Bu haqda “KPMG Caucasus and Central Asia"ning “CPO Outlook 2024” tadqiqotida keltirilgan.
Kompaniya ikki mamlakat iqtisodiyotining turli tarmoqlarida ishlovchi 49 nafar respondent — xaridlar bo‘yicha mutaxassislar, logistlar, iqtisodchilar, ta’minot menejerlari, ta’minot bo‘limlari rahbarlari o‘rtasida so‘rov o‘tkazdi. Natijalar asosida KPMG mutaxassislari sohadagi 7ta asosiy trendni aniqladilar.
Ulardan biri ta’minot zanjiri barqarorligiga bo‘lgan talab bo‘ldi. Ular hozir ko‘payib borayotgan, kelgusi yillarda ortishi mumkin bo‘lgan risklarga uchramoqda — bu ta’minotning kutilmagan uzilishlariga olib kelishi va biznes jarayonlariga ta’sir qilishi mumkin.
Ikkinchi asosiy trend — yetkazib berish zanjirlarini mahalliylashtirish va qisqartirish. Kompaniyalar barqaror ta’minotni ta’minlash va global ta’minot zanjirlari bilan bog‘liq xavflarni kamaytirish uchun ularga tobora ko‘proq murojaat qilmoqdalar.
Ishtirokchilar raqamlashtirishni “keng imkoniyatlar” kaliti, xususan, bozorning tez o‘zgarishiga tezkor javob berishini ta’kidladilar. Raqamli davrda samaraliroq ishlash uchun xodimlarning inson kapitali, malaka va kompetensiyalarini rivojlantirish zarur.
Shuningdek, inventarni rejalashtirish va boshqarishga (ERP) e’tibor kuchaymoqda. Xizmat ko‘rsatish darajasi va zaxiralarning optimal nisbati kompaniyalarga materiallarning yuqori aylanmasi bilan uzluksiz ishlashini ta’minlash imkonini beradi.
Kategoriyali xaridlarni boshqarish xarajatlarni optimallashtiradi va shu bilan operatsion samaradorlikni oshiradi. Nihoyat, barqaror rivojlanish sari harakatlanish yo‘li sifatida “yashil” ta’minot zanjirlari va ESG tamoyillariga qiziqish mavjud.
Pandemiya, geosiyosiy mojarolar va iqtisodiy o‘zgaruvchanlik ta’minot sanoati uchun misli ko‘rilmagan muammolarga aylandi, deya qayd etadi KPMG. Shu bilan birga, yangi texnologiyalar va ish usullarini moslashtirish va o‘zlashtirish qobiliyati unga imkoniyatlar yaratadi.
Avvalroq tahlilchilar O‘zbekistonda bo‘sh sifatli omborlar qolmaganini qayd etishgandi. Mamlakatda A sinfidagi ombor ijarasi har kvadrat metr uchun $156ni tashkil qiladi va bu MDHdagi eng yuqori ko‘rsatkich hisoblanadi.
