Rossiyalik iPhone foydalanuvchilari 5G tarmog‘idan foydalanish imkoniyatidan mahrum bo‘lishlari mumkin, deya xabar berdi Izvestiya nashri.
Uyali aloqa mutaxassislari ma’lumotlariga ko‘ra, garchi tarmoqlar yaqin kelajakda ishga tushirishga tayyorgarlik ko‘rayotgan bo‘lsa-da, Apple bu imkoniyatsiz qolishi ehtimoli bor.
Buning sababi shundaki, Apple operatorlarga iPhone’da 5G‘ga kirish huquqini individual ravishda beradi.
Biroq, kompaniya Rossiyadagi ishtirokini qisqartirdi va 2022-yildan boshlab Apple rossiyalik operatorlar bilan hamkorlikni deyarli to‘xtatdi, deydi manbalar.
5G aloqasini faollashtirish uchun tegishli so‘rovni aloqa operatorlari amalda amalga oshira olmaydi.
Nashr suhbatdoshlarining aytishicha, Rossiyada iPhone’da 5G ishlash ehtimoli “nolga yaqin”. Ehtimol, 5G bilan ham VoWiFi kabi vaziyat yuzaga kelishi mumkin — iPhone texnologiyani qo‘llab-quvvatlaydi, ammo Rossiyada u mavjud emas.
Shu bilan birga, nazariy jihatdan Apple texnologik betaraflik tamoyili doirasida Rossiyada 5G tarmog‘iga kirishni ochishi mumkin edi, deb yozadi OAV.
Operatorlarga 2G, 3G va LTE uchun allaqachon ishlatilayotgan va uzoq vaqtdan beri ishlatilayotgan chastotalarda 5-avlod tarmoqlarini joylashtirishga ruxsat berilishi rejalashtirilgan.
Mutaxassislar, shuningdek, Rossiyada 5G to‘liq ishga tushirilishi tez orada emas, balki 2035-yilga kelib amalga oshirilishiga e’tibor qaratmoqda. Joriy yozda tarmoqlar endigina joriy etila boshlaydi.
Avvalroq Spot yangi iPhone modellari titan yoki suyuq metalldan yasalgan korpusga ega bo‘lishi haqida yozgandi.
Kelajak flagmanlari uchun yana bir potensial material yuqori mustahkam va elastik suyuq metall — amorf qotishma bo‘lishi mumkin.
