Toshkent shahar hokimligi poytaxtda maxsus arzonlashtirilgan narxlardagi savdo yarmarkalari tashkil etilganini ma’lum qildi. Bu haqda Toshkent shahar hokimligi matbuot xizmati xabar bermoqda.
Unga ko‘ra, savdo yarmarkalari quyidagi bozorlarda o‘tkazilmoqda:
- Yashnobod tumani — “Aviasozlar dehqon bozori”;
- Yakkasaroy tumani — “Askiya dehqon bozori”;
- Chilonzor tumani — “Chilonzor dehqon bozori”;
- Mirobod tumani — “Mirobod dehqon bozori”;
- Mirzo Ulug‘bek tumani — “Navro‘z dehqon bozori”;
- Yunusobod tumani — “Oloy dehqon bozori”;
- Sergeli tumani — “Sergeli dehqon bozori”;
- Uchtepa tumani — “Farhod dehqon bozori”;
- Shayxontohur tumani — “Eski Juva dehqon bozori”;
- Yunusobod tumani — “Yunusobod dehqon bozori”;
- Bektemir tumani — “Quylik dehqon bozori”;
- Olmazor tumani — “Qora qamish dehqon bozori”.
Raqobat qo‘mitasi Yangi yil bayrami arafasida yirik savdo tarmoqlariga muhim oziq-ovqat mahsulotlari narxlarini asossiz oshirishga yo‘l qo‘ymaslik yuzasidan ko‘rsatmalar berdi.
Avvalroq Toshkentdagi avtobuslar bayram kunlari qanday ishlashi ma’lum qilingandi. Avtobus harakati 14-dekabrda ish kunlari, 30−31 dekabrda esa yakshanba kunlari uchun tasdiqlangan jadvallar asosida tashkil etiladi.
